Luuka 9:2 - Hapari Zooshapweya

² Khuwaaruma olawa olaleya ofwalume wa Nluku na owaavonisa alwele.

Luuka 9:2 Referans Kwoze

Luuka 10:9

Mwiwaavonise alwele mwinttelaaye owaasikana na mwiwooze atthu yoori: ‘Ofwalume wa Nluku ori kharipu na mweeyo.’

Matewuzhu 3:2

araka: “Mwithupwiye, maana Ofwalume wa pinkuuni ori kharipu.”

Luuka 9:11

Ila khuntti ya atthu noojuwa khusala anlotta. Ye khuwaapokherela khusala awooza monkoni wa ofwalume wa Nluku na awaavonisaka apale aari ohithajiyaaye ovonisiwa.

Maaruku 6:12

Yo khulawa khuwaatafusirela atthu yoori athupwiye.

Matewuzhu 24:14

Enttela olaleyiwa hapari epi za ofwalume wa Nluku olumwenku wooshi, nkhama oshaahiti khwa khapila zooshi aphano osala ota mwiisho.

Matewuzhu 13:19

Amana ntthu asiila nttakhuzi la ofwalume khuhimweeleyi, ntakhali ti antaaye khulazavo etile yaazaliweeyo nroho mwawe. Eto peewu etile yaakweliyeeyo nshini wa tarikhi.

Luuka 16:16

“Kano na manapiyu khazilikheleleeni mpakha wakathi wa Yaahaya. Waaza wakathi otthuupo hapari za Ofwalume wa Nluku zinvira zilaleyiwaka, wakhula ntthu onjilipisa yoori eettemo.

Luuka 10:11

‘Lifufu la sitati yenu ntthi liniphariyeeyo mmoolu mweetthu nootathelani mwaamweenyewe. Ila mwijuwe yoori Ofwalume wa Nluku ori kharipu na mweeyo.’ ”

Maaruku 16:15

Khuwooza yoori: “Mwilawe olumwenku wooshi mwawaafisele atthu ooshi hapari zooshapweya.

Luuka 10:1

Paata ya toole, Mbwana khuwaathawula anakhiyoni awe akinoko sapiyiini na awiri, khuwaaruma yoori alawe awiri awiri alokoze nsitati na mmuti wooshimo mphule aari weettelaaye oviramo.

Matewuzhu 10:5

Yinsa khuwaaruma apale khumi na awiri na khuwooza yoori: “Mwiheette wa amalapo, wala mwiheette hatha sitati moote ya a Samariiya.