Luuka 7:24 - Hapari Zooshapweya

²⁴ Anakhiyoni a Yaahaya noolaavo, Yinsa khusala awooza atthu monkoni wa Yaahaya yoori: “N'yaara mweetteliye woona niini? Tteketthe yiinisiwaka ti pheevo?

Luuka 7:24 Referans Kwoze

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Luuka 3:2

Anaasi na Kayifwa aari mahaakhimu awulu a tiini. Mwaakha aya pu otthuupo enkhiweeyo mattakhuzi a Nluku Yaahaya, mwaana wa Zakariiya, n'yaara.

Luuka 1:80

Mwaana otule khuvira awulaka na rooho yawe khusala ekhomaala, khwiikhala n'yaara mpakha siikhu apuweleliyeevo vakatthi wa atthu a Ezirayiilu.

2 Pheeturu 3:17

Nakataalikha, aphetani aka mwahirimiziwa, yoori mwiiyane phoole! Mwihijilikhelele mwikwaka puuro mwiriiye yookhomaala, mwitthempiwaka pi ottettekha wa atthu aya apo ootakhala rooho.

2 Pheeturu 2:17

Atthu aya apo ari nkhama anaattuuttu oohiina maati, na ari nkhama mawiku aweettettisiwa ti pheevo yawaatta. Nluku awaapwehela puuro ya wiicha saaneene na wooripamo.

Yaahaya 1:23

Yaahaya khujipu na mattakhuzi a napiyu Ezaaya araka: “Miiyo ki huula enkhuwaaye n'yaara eraka: ‘Mookolele tarikhi ya Mbwana.’ ”

Mwanzo 49:4

Weeyo o wootumpunyeya nkhama maati a mpahari, omwanzo awo wafujeya, mwaasa wa olalana muukha wa papaawo, waphuja olili wa papaawo.

Luuka 7:23

Wooparikhiyiwa ti otule ahinkwakwattuwaaye mwaasa wa miiyo.”

Luuka 7:25

Ama moona niini? Mwinyi mmote awaliye kuwo zooshapweya? Moone, apale anwalaaye kuwo zootafikhana aniiya nraaha na aniikhala mmanyupa wa afwalume.