Luuka 6:47 - Hapari Zooshapweya

⁴⁷ Miiyo kinuuthoonyezani ntthu anlikananaaye otule ansiilaaye mattakhuzi aka na khushututela.

Luuka 6:47 Referans Kwoze

Luuka 11:28

Ila Yinsa khunjipu araka: “Ooparikhiyiwa pi apale ansiilaaye nttakhuzi la Nluku khushututela.”

Yaahaya 14:15

“Nkhama mweeyo mwinikipheta, mwinteela oshututela oruma waka.

Tiyaaku 4:17

Nakataalikha otule anjuwaaye yoori ona yooretta saana ila khuhisala aretta, ompattha twampi.

Matewuzhu 12:50

Maana otule anrettaaye matakhelo a Paapa ariiye pinkuuni, oto ti ttwiiyaku, nlupwaaka na ti maama.”

Yaahaya 13:17

Nkhama mwinjuwa vitthu zaya epo, amana mwiretta, mwaparikhiyiwa.

1 Pheeturu 2:4

Khwa khiima mwinimwaattamaaye ye, liwe haayi likatthaliweeyo pi anaatamu, ila lithawuliweeyo ti Nluku na lootafikhana khwa ye,

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

Othoonyeziwa 22:14

“Ooparikhiyiwa pi apale anfulaaye kuwo zaya, na etthiipo ana ruhusa ya muutthi wa ohaayi na anwahi ovira mmilako wa sitati.

Luuka 14:26

“Otule antakhaaye okilotta, ona ya okipheta channu zayita papaawe, mamaawe, muukhaawe, aanaawe, attwiize, alupuwe, ama ohaayi awe, noohiretti etthiipo khaniiya nakhiyoni aka.

1 Yaahaya 3:7

Mweeyo aanaaka, mwihinlikhelele ntthu oohatakani. Wakhula otule aneettettisaaye shariya nashariya, nkhama etthiipi naye eeyiyeeyo nashariya.

1 Yaahaya 2:29

Nkhama mweeyo mwinjuwa yoori ye nashariya, mwijuwe theenya yoori wooshi otule aneettettelaaye shariya avokoliwa ti ye.

Yaahaya 10:27

Pwittipwitthi zaka ensiila huula yaka na miiyo kinjuwa na zinikilotta.

2 Pheeturu 1:10

Nakataalikha, attwiizaku, mwijilipise weekesa venkivene ohakikhi okhuweliwa na othawuliwa weenu, mwirettaru etthiipo khamwinteela okwakwanttuwa,

Yaahaya 6:37

Wakhula otule Paapa anikinkhaaye, onikiteela miiyo, na otule anikiteelaaye miiyo akinteela onthanya.

Yaahaya 6:35

Aphano Yinsa khulupa yoori: “Miiyo ki phaawu ya ohaayi. Otule anikiteelaaye miiyo khinteela onkhola theenya jala na otule anikikhupalaaye miiyo khalinteela onkhola theenya nnyottha.

Yaahaya 5:40

ila mweeyo khamwintakha okiteela miiyo yoori mwiiyane ohaayi.

Luuka 8:13

Peewu epi zaakweliiye va mawe, zinlikanisaniwa atthu apale ansiilaaye nttakhuzi la Nluku khupokherela na furaha. Ila mwaasa woohiina mitathaari, wakathi vattitthiiru nawootootiwa ti sheethwani anlikha waamini waya.

Luuka 8:8

Kiina khukwela vanshaka wooshapweya, khuwula khwiima mishumo miiya wakhula mmote.” Alupiyeevo toole, ye khukhuwelela araka: “Ariina mashiilo ti asiile!”

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Yaahaya 8:52

Mayaahuuti khujipu araka: “Aphano ninjuwa yoori khweele onaaye sheethwani! Eburahiima afwa, na manapiyu, ila weeyo onlupa yoori: ‘Ntthu amana ashututela nttakhuzi aka khanteela ofwa.’

Luuka 6:48

Onlikanana ntthu anjekaaye nyuupa yawe khuthipa khwiichisa saaneene khuttha vanchina la mawe woozivalavo. Khuta nnyeri khupiya nyuupa etile ila khuhisakhinyeyi mwaasa woozivalisiwa.