Luuka 6:17 - Hapari Zooshapweya

¹⁷ Yinsa khwiishukha vamwaako na anakhiyoni awe khweemela nshini vahali aariivo anakhiyoni awe na khuntti ya atthu a Yudeya yooshi na a Yeruzaleemu, mpakha apale a miti zawaattamela pahari, Tiiru na Sitooni.

Luuka 6:17 Referans Kwoze

Matewuzhu 11:21

“Phoole weeyo, Korazini! Phoole, weeyo Betezayiita! Maana eriwaka Tiiru na Sitooni zeettiye orettiwawo minjuza epi mwiretteliweeyo mweeyo, apale aniikhalaaye ottuukho nka athupwiye raku, khuwala saakhu na khujivaaza fuutha!

Luuka 6:12

Siikhu zaya epile Yinsa khulankha khusala alawa omwaako olompa, khwiisha osikhu wooshi eettaka anvekelaka Nluku.

Luuka 5:15

Ila hapari zawe zaari ovira zimwazeyaka. Atthu awaatta khusala ata oteela osiila hapari, na oteela ovonisiwa marati aya.

Matewuzhu 15:21

Paata ya Yinsa olaavo aphale vaya, khusala alawa nti wa Tiiru na Sitooni.

Matewuzhu 14:14

Yinsa noopakhuwa mmwaatiya khuwoona atthu awaatta, khuwoonela huruma, khuwaavonisa alwele aariivo.

Matewuzhu 12:15

Yinsa noojuwa shawuri zaya epile, khulaawo okhule waya. Atthu enkeene khusala anlotta, ye khuwaavonisa alwele ooshi aariivo vakatthi wa atthu aya apale,

Matewuzhu 5:1

Awooniyeevo atthu apale waatta, Yinsa khuwela vamwaako na khwiikhala. Anakhiyoni awe khususela aphale aariivo,

Luuka 6:16

Yuuda mwaana wa Tiyaaku, na Yuuda Eshikariyoote, otule aari weettelaaye onzinkula Yinsa.

Luuka 6:18

Atiiyeeyo yoori asiile na ovonisiwa moolwele aya, mpakha na apale aari wantipwiwaaye ti masheethwani aari ovonisiwa.