Luuka 5:20 - Hapari Zooshapweya

²⁰ Ye nawoona amini aariina atthu apale, khumuuza nasupiyaani otule yoori: “Swaahipu, twampi zawo zaswaamihiwa.”

Luuka 5:20 Referans Kwoze

Khaazi 14:9

Mwinyi otule khunsiila Paawulu eettaka ottakhula. Wakathi Paawulu amwekesiyeevo khumoona yoori aarina amini ya otakha ovonisiwa,

Matewuzhu 9:2

Atthu akina khuntiisa nasupiyaani attattikheliwe va nrepa. Wakathi ooniyeevo amini ya atthu apale antiisiyeeyo, khumuuza nasupiyaani otule yoori: “Ofurahi mwanaka! Twampi zawo zaswaamihiwa.”

Luuka 7:48

Aphano Yinsa khumuuza mwanankha otule yoori: “Twampi zawo zaswaamihiwa.”

Akoloosu 3:13

Mwivilelane mmote na nzeenu, mwiswaamihane mmote na nzeenu amana ntthu eeyana nlattu na nzaawe. Nkhama etthiipo Mbwana oswaamihiyeeni, etthiipo theenya mwiswaamihane.

Yaahaya 2:25

Khaari ontakha ntthu wa omwinkha oshaahiti monkoni wa pinaatamu, maana ye aari ojuwa niini ephattu ya onaatamu.

Maaruku 2:5

Ooniyeevo amini etile aariina, Yinsa khumuuza nasupiyaani otule yoori: “Mwanaka, twampi zawo zaswaamihiwa.”

Tiyaaku 2:18

Ila amana ntthu alupa yoori: “Weeyo onaaye amini, miiyo kinaaye khaazi.” Okithoonyeze amini yawo woohiivo khaazi na miiyo kuuthoonyeze amini yaka khwa khaazi.

2 Akorintiyu 2:10

Na amana mweeyo mwinswaamihi ntthu, na miiyo theenya kintta onswaamihi; na nkhama ewaapho etthu ya oswaamihi, kaswaamihi enakatthi ya Al-Masiihu mwaasa wa wuuphetani mweeyo,

Khaazi 11:23

Noofiya khoona rehema ya Nluku, khwiiya woofurahi na khuwaalipisela yoori eeye ookhomaala mmakhono wa Mbwana na rooho yaya yooshi.

Yaahaya 5:14

Paata ya vitthu epile, Yinsa khukutthanana Nnyupa Woosifwiwamo khumuuza yoori: “Woone, weeyo wavonisiwa! Ohirutele ntwampi yoori ehuurettikhanele etthu yooziti.”

Mwanzo 22:12

Khumuuza yoori: “Ohimwaavulele eesu shaapu oto, na ohinrettele hatha etthu. Aphano kinjuwa yoori onimoova Nluku, mwaasa woohikikhattazi mwanawo mmote othuuto oriina.”

Matewuzhu 9:5

Apho yookhweya ti tiivi? Olupa yoori: ‘Waswaamihiwa twampi zawo,’ ama olupa yoori: ‘Olankhe weettette?’