Luuka 4:6 - Hapari Zooshapweya

⁶ Khumuuza yoori: “Kintta owinkha ofwalume na siifwa za olumwenku opu wooshi, mwaasa yoori zooshi kenkhiwa miiyo, na miiyo kinimwinkha otule kinintakhelaaye.

Luuka 4:6 Referans Kwoze

Ayeefezu 2:2

Etthiipo mwaazowereliyeezo, wakathi mwaari olottelaaye oruma wa olumwenku na owahi wa ofwalume wa rooho ya etulutulu yiiyiyeeyo sheethwani, rooho ethiito eniweettettisaaye apale aniikhalaaye muukhijili.

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

Yaahaya 12:31

Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

1 Yaahaya 5:19

Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

Othoonyeziwa 13:7

Khwinkhiwa owahi wa wuumanana attakatthiifu na owaashintta. Enkhiwe ofwalume khwa mahimo, atthu, luuka na khapila zooshi.

Othoonyeziwa 13:2

Nyama yawoopisa kooniyeeyo yaari olattanana shuuwi, na yaarina moolu mawulumawulu nkhama a khoole nwulweene na makhope oothokolowa, na milomo zaya nkhama za siipa. Jahanamu khwinkha nyama yawoopisa etile owahi aya khukulu yaya na ofwalume nwulweene.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

1 Pheeturu 1:24

Nkhama enlupaazo Zawaatikhiwa Ttakatthiifu: “Anaatamu ooshi ari nkhama nyaani, na siifwa yaya yooshi eri nkhama maluwa a nyaani. Nyaani ennyaala, maluwa aya khukwa,

2 Akorintiyu 11:14

Eto khahiyo etthu yooshankisa, maana Epiliisi onjiretta wiiya nlayikha la nuuru.

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Luuka 4:7

Amana okaaputu miiyo, zooshi zintta wiiya zawo.”