Luuka 3:11 - Hapari Zooshapweya

¹¹ Ye khuwaajipu yoori: “Otule ariina hempe piiri, moote amwinkhe otule ahina. Otule ariina etthu yoojiwa awaameele apale ahina.”

Luuka 3:11 Referans Kwoze

1 Yaahaya 3:17

Nkhama ntthu onaaye vitthu za voolumwenku khumoona ttwiiye athowiwe na khunlipela rooho, pheta ya Nluku enlipa toovi khwa ye?

1 Timootiyu 6:18

Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.

Luuka 18:22

Yinsa noosiila mattakhuzi apale khumuuza yoori: “Enuusaleela etthu moote. Wuuzanyise vitthu zawo zooshi nzurukhu aya owenkhe asikhini, toowo ontta wiiyana maali pinkuuni; nawiisha ote okilotte.”

1 Yaahaya 4:20

Nkhama ntthu onri onimpheta Nluku khusala eephiiriwa ti ttwiiye, oto namalokova. Maana otule ahimpheteeni ttwiiye, otule animoonaaye, khanwahi ompheta Nluku, otule ahinimoonaaye?

Tiyaaku 1:27

Tiini Nluku Papeetthu ankhupalelaaye wiiya swaafi na yookhweele tiiti: owaathotola anasisa na ananfweliwa pi amanna zaya muuhoowa mwaya, na ojiinanela khwa vitthu zootakhala za muulumwenku.

Luuka 11:41

Mwipakuse nkatthi mweenu khwa owenkha zimola asikhini, toowo mweeyo mwintta wiiya oottakattha saaneene.

Matewuzhu 25:40

“Mfwalume khujipu yoori: ‘Kiniwuuzani khweele yoori, etile mweeyo mwiwaaretteliyeeyo mmote wa attwiizaku apa attiitthi, mwakirettela miiyo.’

Meepereewu 6:10

Nluku khahi woohiiyi wa shariya. Ye khanteela osahawu khaazi zenu na pheta mwithonyeziyeeyo, maana mwawenkha nkhono attakatthiifu na apho mwinvira mwiwenkhaka.

Khaazi 10:31

Khukuuza yoori: ‘Koroneele, Nluku asiila lompa yawo na onfwahamu zimola epi oniwinkhaaye atthu.

Khaazi 10:4

Ye khusuthuwa, khusala eekesa nlayikha ntthile eettaka othukumela, khuuzela yoori: “Niini, mwinyi?” Nlayikha khujipu liraka: “Lompa zawo na zimola zawo zafiya mmakhono wa Nluku nkhama tthuvo yoohisahawiwi.

Khaazi 10:2

Ye na ajamaaze ooshi aari emaani na oomoova Nluku; aari owaatthantta venkivene anamathowiwa na aari omwaaputu Nluku wakhula wakathi.

Yaahaya 13:29

Maana Yuuda ti aari opwehaaye nfukho wa nzurukhu, akina aari waakanyera yoori Yinsa amuuza olawa wuuzanya vitthu zooretteliwa njampo, ama yoori alaze etthu awinkhe asikhini.

Luuka 19:8

Zakewu khulankha khweemela khumuuza Mbwana yoori: “Woone Mbwana! Kintta owenkha asikhini phantte moote ya maali zaka na apale kaari oweeyelaaye, kintta owaarutisela swaafu nne.”

Ayeefezu 4:28

Otule aari nantarawu alikhe wiiya, ila arette etthu yooshapweya na makhono awe yoori apatthe etthu yoowaamela apale oothowiwa.

1 Timootiyu 6:17

Monkoni wa mathaajiri voolumwenku apha, owaahirimize yoori ahisala ajinkhelela, wala thwaama zaya ahitthe nkatthi wa maali epile zoohilipaneyi; ila thwaama zaya atthe wa Nluku, Ye oninkha wa waattavo vitthu zooshi yoori nisala nijirela.

Tiyaaku 2:14

Ena fwayita ni ntthu olupa yoori ona amini ila ehina khaazi zooshapweya? Talili niri amini yaya eto enimuusuru?