Luuka 24:27 - Hapari Zooshapweya

²⁷ Khusala aweeleza mattakhuzi ooshi aatikhiweeyo nkithaapu aari onlupaaye ye, waaza kithaapu ya napiyu Munsa mpakha za manapiyu akinoko.

Luuka 24:27 Referans Kwoze

Luuka 24:44

Nawiisha khulupa yoori: “Pi etthiipi kaawuuziyeenini wakathi opule kaari vamote na mweeyo, yoori zaarina yoorettikhana zooshi epile zaatikhiweeyo khwa miiyo nkithaapu ya kano ya napiyu Munsa na kithaapu za manapiyu akina na Zaapuura.”

Khaazi 10:43

Hatha na manapiyu ooshi anlawela oshaahiti yoori wakhula otule aninkhupalaaye onswamihiwa twampi zawe khwa nzina lawe ye.”

Yaahaya 5:39

Mwinsoma Zawaatikhiwa Ttakatthiifu, maana mwinoona yoori khwa yo mwinaaye ohaayi wa mileele, ila pi etthiipo zinikilawelaaye oshaahiti,

Yaahaya 1:45

Filiipe khunsikana Natanayeele khumuuza yoori: “Nansikana otule Munsa aatikhiyeeyo nkithaapu ya kano monkoni wa ye na manapiyu. Yinsa wa Nazareeti, mwaana wa Yuusufu!”

Mwanzo 22:18

Atthu ooshi a voolumwenku anteela oparikhiyiwa, mwaasa wa ojama awo, maana weeyo wakishututela.”

Luuka 24:25

Aphano Yinsa khuwooza yoori: “Atthu oorupaza weeleyiwa na oolipa waamini epile alupiyeezo manapiyu!

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Mwanzo 49:10

Khweele Yuuda khanteela onyakanyiwa ofwalume awe, wala pakhora yoofwalume eriiye mmwinyoka mwawe, mpakha ate mweenyewe ofwalume, otu anttelaaye oshututeliwa pi atthu ooshi.

Mwanzo 26:4

Kinttela waattisa ojama awo nkhama matthottowa ootulu, na kinttela owinkha tuniya yooshi eti. Mwaasa wa ojama awo, khapila zooshi za va tuniya zinttela wiiya zooparikhiyiwa,

Khaazi 7:37

“Na aari Munsa othuuto awooziyeeyo meezirayiilu yoori: ‘Nluku onlawa ampuwise khwa attwiizenu napiyu mmote nkhama miiyo.’

Khaazi 3:24

“Manapiyu ooshi, waaza Samuweele na apale akinoko paata ya ye attakhula monkoni wa siikhu epi za leelo.

Khaazi 3:22

Maana Munsa alupa yoori: ‘Mbwana Nluku onlawa ampuwise khwa attwiizenu napiyu mmote nkhama miiyo; mwinsiileze zooshi anttelaaye owuuzani.

Othoonyeziwa 19:10

Aphano miiyo kikwela nshini wa moolu a nlayikha yoori kaaputu, ila khukuuza yoori: “Ohirette etthu eto! Ki karumeya nkhama weeyo na nkhama attwiizo apale ari nkatthi wa waamineya khwa oshaahiti wa Yinsa. Omwaaputu Nluku! Oshaahiti wa Yinsa rooho ya ohupiri.”

Mwanzo 12:3

Kiniwaaparikhiya apale anuuparikhiyaaye, na kininlaani otule anuulaanaaye. Khwa weeyo enteela wiiya zooparikhiyiwa khapila zooshi za voolumwenku.”

Maaruku 4:34

Khaari owooza hatha etthu ahirumeyeleeni nlikaniso, ila amana eeya na anakhiyoni awe paasi, eetta owoozaka zooshi.

Yaahaya 5:37

Paapa otu akiperekhiyeeyo, onlaza oshaahiti monkoni wa miiyo. Mweeyo khamwina siile huula yawe, wala khamwina moone nanna ariizo,

Yaahaya 12:41

Ezaaya aalupiye mattakhuzi apa maana ooniye siifwa ya Yinsa na khulupa monkoni wa ye.

Khaazi 3:18

Ila Nluku aretta etile yaalupiweeyo raku pi manapiyu ooshi araka: Al-Masiihu awe aari oteela ohoowa.

Khaazi 8:35

Elottelanaka Filiipe khwaaza omweeleza mwiitiyoopiya otule, khwa mattakhuzi atthaapale ari osomaaye a nkithaapu ya Ezaaya, khusala amuuza hapari zooshapweya monkoni wa Yinsa.