Luuka 23:34 - Hapari Zooshapweya

³⁴ Aphano Yinsa khulupa yoori: “Paapa, owaaswaamihi atthu apa maana khanjuwa etthu anrettaaye.” Elottelanaka yo khwaawanyana kuwo epile za Yinsa nkatthi wa nasipu.

Luuka 23:34 Referans Kwoze

Matewuzhu 5:44

Ila miiyo kiniwuuzani yoori, mwiwaaphete maatuwi enu na mwiwaalompele apale anuulupatthanini,

Khaazi 7:60

Attaaphale khukokhora khusala akhuwa channu araka: “Mbwanaaka, ohiwenkhe paathuli khwa twampi eti!” Nawiisha olupa mattakhuzi apale, khufwa.

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

Arooma 12:14

Mwiwaaparikhiye apale anuulupatthanini; mwiwaaparikhiye, na mwihiwaalaani.

1 Akorintiyu 2:8

Hatha namawahi mmote a wakathi opu emweleyiyeeyo; maana eriwaka zeettiye omweleya, ahinkhomeleeni Mbwana wa Siifwa.

Zaapuura 22:18

Aawanyana kuwo zaka na ajapi yaka eekesela nasipu.

Mwanzo 50:17

yoori niwuuze toono: ‘Safwatali, owaaswaamihi attwiizo khwa koosa na twampi epile ooretteliyeezo mwaasa woohuukholi saana.’ Apho nasaapi eti ninuuvekela yoori, oniswaamihi koosa zeetthu, fweeyo niiyiye akarumeya a Nluku otu aari omwaaputwaaye papaawo.” Ye noosiila mattakhuzi apale khusala alila.

1 Timootiyu 1:13

Miiyo ena omwanzo kaari namakufuru, namalupattha, namahusuti, wakathi aya opule miiyo akaarina amini, etthu kaari orettaaye akaari ojuwa, apha kooneliwa huruma.

Khaazi 3:17

“Aphano attwiizaku, miiyo kajuwa yoori mwaarettiye hatha mwihijuwaka na anamalokozela enu.

1 Akorintiyu 4:12

na ninkhola khaazi yoolipa na makhono eetthu. Amana nilaaniwa, fweeyo nintta oparikhiya; amana nilupatthiwaka, niniiya woovilela;

Matewuzhu 11:25

Wakathi otthuupule Yinsa khulupa yoori: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi.

Yaahaya 19:11

Yinsa khunjipu yoori: “Weeyo khawaari wiiyana hatha owahi khwa miiyo, eriwaka khawenkhiwe otulu. Tiito otule ootiseliyeeyo Miiyo ona paathuli ya twampi yooziti.”

Maaruku 15:24

Aphano khunkhomela na khwaawanyana kuwo zawe khwa weekesa nasipu yoori ajuwe wakhula ntthu phantte ari weettelaaye osalana.

Matewuzhu 11:26

Khweele, Paapa, ti nanna waatakhiyeezo.

Luuka 22:42

“Paapa amana otakha, okilaze jiikira eti ya ohoowa. Ila ehirettikhane otakha waka miiyo, arettikhane matakhelo awo.”

Yaahaya 17:9

Miiyo kiniwaavekelela yo. Akiniwaavekelela atthu ooshi a voolumwenku, ila apale okinkhiyeeyo maana pi awo.

Khaazi 16:28

Paawulu khukhuwa alupaka yoori: “Ohijirette hatha etthu yootakhala, fooshi niri nttumphu!”