Luuka 22:42 - Hapari Zooshapweya

⁴² “Paapa amana otakha, okilaze jiikira eti ya ohoowa. Ila ehirettikhane otakha waka miiyo, arettikhane matakhelo awo.”

Luuka 22:42 Referans Kwoze

Matewuzhu 26:39

Khususa vattitthiiru, khukokhora khufiisa ajihi yawe vathi, khusala alompa araka: “Paapa, nkhama enwaheya, okaattuwanise jiikira eti ya ohoowa; ila ehirettikhane nkhama kintakhaazo, ila nkhama ontakhaazo.”

Matewuzhu 26:42

Khurutela olawa olompa theenya khuri: “Paapa, nkhama khinwaheya okattuwananisa jiikira eti khapula kihinyweeni, ti arettikhane matakhelo awo.”

Maaruku 14:36

Aari olupa toono: “Oo Paapa zooshi khwa weeyo zinwaheya. Okaattuwananise miiyo jiikira eti ya ohoowa. Ila ehirettikhane khwa matakhelo aka, ila khwa matakhelo awo.”

Yaahaya 18:11

Ila Yinsa khumuuza Pheeturu yoori: “Opwehe phanka yawo! Akaari oteela onywela jiikira akinkhiyeeyo Paapa?”

Matewuzhu 20:22

Yinsa khunjipu yoori: “Mweeyo khamwinjuwa etthu mwinvekaaye. Mwinwahi onywela jiikira ethiiti kinttelaaye onywela?” Yo khujipu: “Ninwahi.”

Yaahaya 5:30

Otthome akinwahi oretta hatha etthu. Miiyo kimphuka khwa nanna Paapa akuuziyeeyo, na ophuka waka pi wa shariya maana akineekesa ojituvelisa, ila matakhelo a otule akirumiyeeyo.

Yaahaya 6:38

Maana keeshukha pinkuuni, khahiyo yoori kirette matakhelo aka, ila kirette matakhelo awe otule akirumiyeeyo.

Yaahaya 4:34

Yinsa khuri: “Etthu yoojiwa yaka oretta matakhelo a otule akirumiyeeyo okhola khaazi zawe.

Matewuzhu 26:44

Aphano khuwaalikha theenya, khulawa olompa swaafu ya ttaatthu, alupaka mattakhuzi atthaapale.

Matewuzhu 6:10

wiishushe ofwalume awo, matakhelo awo arettikhane, vathi apha nkhama etthiipo enrettikhanaazo otulu.

Matewuzhu 11:25

Wakathi otthuupule Yinsa khulupa yoori: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi.

Matewuzhu 11:26

Khweele, Paapa, ti nanna waatakhiyeezo.

Luuka 23:34

Aphano Yinsa khulupa yoori: “Paapa, owaaswaamihi atthu apa maana khanjuwa etthu anrettaaye.” Elottelanaka yo khwaawanyana kuwo epile za Yinsa nkatthi wa nasipu.

Khaazi 21:14

Wiiya khanaari owahi onlikhisa olawa; khukayiri niraka: “Ti erettikhane etile yiiyiye matakhelo a Mbwana eetthu.”