Luuka 22:22 - Hapari Zooshapweya

²² Mwaana wa Pinaatamu onlawa afwe khwa nanna etthiipo Nluku asharutheliyeezo. Ila wootakhaliwa ti otule anttelaaye onzinkula.”

Luuka 22:22 Referans Kwoze

Khaazi 2:23

Othuuto enkheleliweeyo khwa shawuri Nluku atthomiyeezo rakuzeene khwa ojuwa wawe, ila mweeyo khukusanyeya na atthu ootakhala rooho khunkhomela vansalapa khumuula.

Luuka 24:46

Khuwooza araka: “Yaatikhiwa yoori Al-Masiihu aarina yoohoowa na siikhu ya ttaatthu osisimuwa vakatthi wa ananfwa,

2 Pheeturu 2:3

Khwa omaashokopho wa anamanozela aya atthaapo, anteela wuujelani khwa hantisi zoopankiwa, hukhumu yaya eri khwa yo raku zeene, na otapanyeya waya khunrupaza.

1 Pheeturu 1:11

eekesaka ojuwa wakathi na vitthu zinttelaaye orettikhana etthiipo zaari othoonyaaye Rooho ya Al-Masiihu, etile yaari khwa yo, ewenkhaka ohupiri monkoni wa ohoowa wa Al-Masiihu na siifwa zaari weettelaaye olottela ohoowa opule.

Yaahaya 17:12

Wakathi kaari vamote na yo voolumwenku, miiyo kaaweenaneliye na khuwaathokorela khwa owahi wa nzina lawo, nzina nttinttho okinkhiyeeyo. Kaaweenaneliye na khuhiivo mmote aashikhiyeeyo, woohiiyi otule atthomeliweeyo waashikha yoori epile zilupiyeezo Zawaatikhiwa Ttakatthiifu zirettikhane.

Maaruku 14:21

Mwaana wa Pinaatamu onlawa afwe, nkhama etthiipo yaatikhiweeyo monkoni wa ye. Ila wootakhaliwa ti otule anttelaaye onzinkula Mwaana wa Pinaatamu! Afwataali ahivokoliweeni!”

Matewuzhu 26:24

Mwaana wa Pinaatamu onlawa afwe, nkhama etthiipo yaatikhiweeyo monkoni wa ye. Ila wootakhaliwa ti otule anttelaaye onzinkula Mwaana wa Pinaatamu! Afwataali ahivokoliweeni.”

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Matewuzhu 27:5

Aphano Yuuda khweeselela nzurukhu omwimpari. Khusaruwa nawiisha khulawa khujiheya.

Luuka 22:23

Yo khusala oozelana atthaaporu yoori anjuwe nlupa aari weettelaaye oretta etthu yaya eto.

Khaazi 10:42

Ye ti anirumiyeeyo yoori niwaatafusirele atthu na nilawele oshaahiti, yoori othuuto Nluku amwinkha wiiya namaphuka wa apale ariiye haayi mpakha apale afwiiyeeyo.

Khaazi 17:31

Ye atthoma siikhu anttelaaye ophuka olumwenku na shariya, khwa ntthu mmote anthawuliyeeyo na athoonyeza vakatthi wa atthu khwa onsisimula muufwa.”