Luuka 22:17 - Hapari Zooshapweya

¹⁷ Athuuliyeevo jiikira khunshukhurwela Nluku, khuwooza yoori: “Mwithuule mwaawanyena.

Luuka 22:17 Referans Kwoze

Luuka 22:19

Athuuliyeevo phaawu, khunshukhurwela Nluku, khumeya khuwenkha khuwooza yoori: “Opu mwiili aka onttelaaye ovahiwa khwa mweeyo. Mwisala mwiretta etthiipi mwikifikhiraka miiyo.”

Arooma 14:6

Otule anoonaaye siikhu yoori ena fwayita khwa Mbwana arette etthiipo. Otule anjaaye nyama khwa Mbwana aje, maana oninshukhurwela Nluku, na otule ahinjaaye khwa Mbwana ahije, na anshukhurwele Nluku.

Luuka 9:16

Khuthuula phaawu thaanu na swi epile piiri khweekesa otulu, khuparikhiya, khumeya khuwenkha anakhiyoni awe yoori awaawanyeze atthu apale.

Zaapuura 23:5

Onikaattalelela njampo liwululene, maatuwi aka eettaka okoona. Wakipwekhera na shitaha khwa ottukunttela eeshwa yaka mafuttha, weetaaza jiikira yaka mpakha wiittikha.

Matewuzhu 14:19

Khuruma yoori atthu apale eekhale va nyaani, khuthuula phaawu epile thaanu na swi epile piiri, khweekesa otulu, khuparikhiya. Khumeya phaawu epile. Elottelanaka khuwenkha anakhiyoni awe, yo khusala awenkha atthu.

Matewuzhu 15:36

Khuthuula phaawu epile sapa na swi khushukhurwela khumeya khuwenkha anakhiyoni awe, khusala awaawanyeza atthu.

Matewuzhu 26:26

Eettaka oja, Yinsa khuthuula phaawu, khuparikhiya, khumeya na khuwenkha anakhiyoni awe araka: “Mwithuule na mwirafune; opu mwiili aka.”

Maaruku 14:22

Eettaka oja, Yinsa khuthuula phaawu, khuparikhiya, khumeya, khuwenkha anakhiyoni awe na khuwooza yoori: “Mwithuule; opu mwiili aka.”

1 Akorintiyu 10:16

Jiikira ya parakha niparikhiyiyeeyo osiilana onrettiwaaye khwa taamu ya Al-Masiihu, na phaawu nimeyiyeeyo osiilana khwa mwiili wa Al-Masiihu.

1 Akorintiyu 11:23

Maana kapwekherela wa Mbwana eti na miiyo kuusomisiyeeni yoori: Mbwana Yinsa, osikhu opule aazinkuliweeyo, aathuuliye phaawu,