Luuka 17:27 - Hapari Zooshapweya

²⁷ Atthu eetta oja na onywa, aari oralana na oloozana, mpakha siikhu Nuuhi aapakhiriyeeyo mmwaaraka, khuta nnyeri ooshi khufwa.

Luuka 17:27 Referans Kwoze

Mwanzo 7:7

Ye khupakhira mmwaaraka vamote na muukhaawe, aanaawe na aakha aya mwaasa wa maati a nnyeri aari oteelaaye ozamisa olumwenku.

Mwanzo 7:23

Nluku khupwetecha zumpe zooshi zoohaayi zaari va tuniya. Pinaatamu, nyama za ntthuttu, na epile zinjipurulaaye vathi na anyannyi ootulu zooshi khupwetheya. Khusala Nuuhi otthwe na ajamaaze na nyama epile zaari vamote na ye mmwaaraka.

Matewuzhu 22:30

Maana wakathi woosisimuwa atthu khanloola wala khanlooziwa; anttela wiiya nkhama malayikha a pinkuuni.

Luuka 17:26

“Nkhama zaarettikhaniyeezo wakathi opule wa Nuuhi, enttela orettikhana etthiipo wakathi wa Mwaana wa Pinaatamu.

Luuka 17:28

“Nkhama zaarettikhaniyeezo wakathi wa Loothi. Atthu eetta oja na onywa, wuuzanya na wuuzanyisa, ozala na ojeka manyupa aya.