Luuka 17:2 - Hapari Zooshapweya

² Afwataali ofukeleliwa liwe loovalaza mmwisiko khutupweeziwa nkhilintti ya pahari ehiiyeeni owaakosisa apale eeyiye oohikhomaali.

Luuka 17:2 Referans Kwoze

Maaruku 9:42

“Amana ntthu ankosisa mmote wa asimaana apa akikhupaliyeeyo miiyo, afwataali ofukeleliwa liwe loovalaza mmwisiko khutupweeziwa nkhilintti ya pahari.

Matewuzhu 18:14

Khwa nanna etthiipo theenya Papeenu ariiye pinkuuni khanintakhela hatha nsimaana mmote waashikha.

Matewuzhu 18:10

“Phoole, mwihintarawu hatha mmote wa asimaana apa! Miiyo kiniwuuzani khweele yoori malayikha aya anoona wuuso wa Paapa wa pinkuuni wakhula wakathi.

1 Akorintiyu 9:22

Khwa apale oottettheya kajiretta wiiya woottettheya, yoori kiwaapatthe apale oottettheya. Etthiipo miiyo kajiretta wiiya zooshi khwa atthu ooshi yoori khwa wakhula nanna kiwahi owoosuru akinoko.

Matewuzhu 26:24

Mwaana wa Pinaatamu onlawa afwe, nkhama etthiipo yaatikhiweeyo monkoni wa ye. Ila wootakhaliwa ti otule anttelaaye onzinkula Mwaana wa Pinaatamu! Afwataali ahivokoliweeni.”

1 Akorintiyu 9:15

Ila miiyo akinarumeyele hatha ruhusa moote khwa epo zaya. Na akaatikheeni kiwejelaka yoori mwikirettele etthiipo. Kinhithari ofwa kikhupalelaka yoori ntthu khankilaza ojishashawula waka.

Yaahaya 21:15

Paata ya wiisha oja Yinsa khumuuzela Simawu yoori: “Simawu, mwaana wa Yaahaya, onikipheta zayita apa?” Ye khuri: “Aaa Mbwana, hatha na weeyo onjuwa yoori miiyo kinuupheta.” Yinsa khumuuza yoori: “Ojise pwittipwitthi zaka.”

Matewuzhu 17:27

Ila yoori nihiweephirise, olawe mpahari wamweese nanjoolo awo. Swi ethiito ya mwanzo onttelaaye olowa, ofunule milomo zaya, ontta osikanamo nzurukhu mmote. Aphano olawe wariphe lumpuru laka na lawo.”