Luuka 12:37 - Hapari Zooshapweya

³⁷ Ooparikhiyiwa anamarumeyela apale mbwana aya anttelaaye owaasikana eettaka ojeekesela. Kiniwuuzani khweele yoori, mbwana aya na ye ontta ojiwalisa yoori arumeye, awooze wiikhala vameeza asala awaarumeyela.

Luuka 12:37 Referans Kwoze

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.

Matewuzhu 24:42

“Nakataalikha, mwijeekesele, maana khamwinjuwa siikhu anttelaaye ota Mbwana enu.

Afiliipu 1:23

Kakukutteliwa phantte zoopiiri. Kinaaye niiya ya otakha wiiya vamote na Al-Masiihu, yooziti channu ti ethiito.

1 Akorintiyu 2:9

Nkhama yaatikhiweezo yoori: “Maasho khooneeni, mashiilo khasiileeni wala eeswa moote khiphelelezeeni etile Nluku awatthenkezeliyeeyo apale animphetaaye.”

Othoonyeziwa 14:13

Aphano miiyo khusiila huula ya pinkuuni elupaka yoori: “Waatikhe: Ooparikhiyiwa ananfwa apale anfwaaye arina Mbwana nasaapi eti mpakha okho ninttaawo.” Rooho ya Nluku khulupa yoori: “Aaa, yo anttela ovumula khwa tafwawuthi zaya, maana zooretta zaya zinttela owaalotta.”

2 Pheeturu 1:11

toowo pi mwinttelaavo opwekherela ruhusa yooshi ya weetta muufwalume wa mileele wa Mbwana eetthu na Namuusuru Yinsa Al-Masiihu.

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Luuka 21:36

Mwiiye woojeekesela na olompa wakhula wakathi, yoori zuuwerawereni vitthu zaya epo zinttelaaye orettikhana na yoori mwapatthe weemela omaasho wa Mwaana wa Pinaatamu amana ata.”

Othoonyeziwa 7:17

maana Pwittipwitthi eriye vakatthi wa khukulu enttela wiiya nshuki wa apo aya, ye enttela owaalokoza va anaattuuttu a maati a ohaayi. Na Nluku onttela opakusa mishozi za mmaasho mwaya.”

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

Afiliipu 1:21

Maana khwa miiyo ohaayi aka ti Al-Masiihu na ofwa fwayita yaka.

Luuka 17:8

Kinoona yoori khaavo! Ila khapula onimuuza yoori: ‘Wiipikhe etthu yoojiwa, owale kuwo zawo okirumeyele kijaka na kinywaka. Aphano amana kiisha na weeyo oje na onywe!’

Luuka 12:43

Wooparikhiyiwa karumeya otule Mbwana awe amana ataaka anttelaaye onsikana arettaka etthiipo.

Luuka 12:36

Mwina yawiiya nkhama anamarumeyela aninwejelaaye mbwana aya yoori arutaka onjampo la harusi, amana apiiya nlako anfukulele nasaapiru.

Luuka 22:27

Nttunkhulu ti paani, ti otule aniikhalaaye vameeza ama otule anrumeyaaye? Khaniiya otule aniikhalaaye vameeza? Ila vakatthi venu mweeyo, miiyo kiri nkhama otule anrumeyaaye.

Othoonyeziwa 16:15

“Moone yoori kinta nkhama nantarawu! Wooparikhiyiwa ti otule aniikhalaaye woojeekesela na wootthenkeza saana zoowala zawe yoori aheettette waazu na ehooniwe haaya yawe.”