Luuka 12:20 - Hapari Zooshapweya

²⁰ “Ila Nluku khumuuza yoori: ‘Nlolo! Osikhu otthuupu ontta ofwa. Maali zawo paani anttelaaye osalana?’ ”

Luuka 12:20 Referans Kwoze

1 Timootiyu 6:7

Voolumwenku apha khanaataniyevo hatha etthu na khaninthuulavo hatha etthu.

Tiyaaku 4:14

Mweeyo khamwinjuwa etthu enttelaaye orettikhana meesho! Ohaayi enu weetta wiiya niini? Mweeyo mwiri nkhama tthapo, empuwaaye wakathi vattitthiiru khwaashikha.

1 Atizaloonika 5:3

Amana atthu alupa yoori: “Vitthu zooshi pi za wiitthaala na zoolipaneya,” otapanyeya onta woohirupazi, nkhama olwaaza wa ovokola wa muukha, na hatha vattitthiiru khanteela ovukha.

Luuka 11:40

Alolo! Otule aattaliyeeyo oje khahi othuuto aattaliyeeyo nkatthi?

1 Timootiyu 6:17

Monkoni wa mathaajiri voolumwenku apha, owaahirimize yoori ahisala ajinkhelela, wala thwaama zaya ahitthe nkatthi wa maali epile zoohilipaneyi; ila thwaama zaya atthe wa Nluku, Ye oninkha wa waattavo vitthu zooshi yoori nisala nijirela.