Luuka 11:41 - Hapari Zooshapweya

⁴¹ Mwipakuse nkatthi mweenu khwa owenkha zimola asikhini, toowo mweeyo mwintta wiiya oottakattha saaneene.

Luuka 11:41 Referans Kwoze

Luuka 12:33

Muuzanyise zooshi mwiriinaazo, nzurukhu aya mwiwenkhe asikhini. Mwijaattalelele mifukho zihinvaruwaaye, toowo mwinthokorela maali pinkuuni zihiniishaawo, okhu ahinifiyaawo nantarawu wala maweephe yoori aharipu.

Tiyaaku 1:27

Tiini Nluku Papeetthu ankhupalelaaye wiiya swaafi na yookhweele tiiti: owaathotola anasisa na ananfweliwa pi amanna zaya muuhoowa mwaya, na ojiinanela khwa vitthu zootakhala za muulumwenku.

Tiitu 1:15

Vitthu zooshi pi za oottakasiwa khwa atthu apale eeyiye oottakattha, ila khwa atthu apale ahiiyeeni oottakattha na ahiiyeeni mamuumini khayiivo etthu yoottakattha. Maana waaza shawuri zaya na akhili zaya zatapanyeya.

Meepereewu 13:16

Mwihilikhelele oretta zooshapweya na owaameela azeenu khwa etile mwiriinaaye, maana twaha zinintuvelaaye Nluku pi etthiipo.

Khaazi 10:15

Swaafu ya phiiri huula etile khunjipu yoori: “Ohiharamushe etile Nluku ahalalishiyeeyo.”

Luuka 16:9

Apho kiniwuuzani yoori: Mwirumeyele maali zenu zohiiyi za shariya yoori mwiiwaapatthe ashirikha, amana ziwiishelani yo oopokhereleni pinkuuni.

Meepereewu 6:10

Nluku khahi woohiiyi wa shariya. Ye khanteela osahawu khaazi zenu na pheta mwithonyeziyeeyo, maana mwawenkha nkhono attakatthiifu na apho mwinvira mwiwenkhaka.

2 Akorintiyu 8:12

Maana, amana ntthu ajilakelela winkha, Nluku ompwekherela etile ntthu ariina, khaninvekela ntthu etile ahina.

Luuka 19:8

Zakewu khulankha khweemela khumuuza Mbwana yoori: “Woone Mbwana! Kintta owenkha asikhini phantte moote ya maali zaka na apale kaari oweeyelaaye, kintta owaarutisela swaafu nne.”

Luuka 18:22

Yinsa noosiila mattakhuzi apale khumuuza yoori: “Enuusaleela etthu moote. Wuuzanyise vitthu zawo zooshi nzurukhu aya owenkhe asikhini, toowo ontta wiiyana maali pinkuuni; nawiisha ote okilotte.”

Matewuzhu 5:42

“Amana ntthu oovekela etthu, omwinkhe; ohinnoze enyokonyoko otule anuuvekelaaye omwiipaasha.

Ayeefezu 4:28

Otule aari nantarawu alikhe wiiya, ila arette etthu yooshapweya na makhono awe yoori apatthe etthu yoowaamela apale oothowiwa.

Khaazi 11:29

Anakhiyoni khujilakelela owaawuni attwiizaya aari wiikhalaaye Yudeya wakhula ntthu khwa khiima aari owahaazo.

Matewuzhu 26:11

Maana asikhini aniiya vamote na mweeyo wakhula siikhu, ila miiyo khamwinteela wiiyana wakhula siikhu.

Khaazi 24:17

Paata ya olaawo Yeruzaleemu khwa nyaakha vattitthiiru, kaaruteliyewo olawa othuula zimola yoori kawenkhe atthu a mmuti mwaka na kilawaka oretta twaha.

Maaruku 7:19

Maana kineetta nroho mwawe, ila mwiijohojoho mwawe, nawiisha khwiitthiwamo.” Khwa etthiipo mattakhuzi apale, Yinsa khutukhuru ottha wiiya halaali vitthu zoojiwa zooshi.