Luuka 11:36 - Hapari Zooshapweya

³⁶ Amana mwiili awo wooshi wiiyana nuuru, khuhiina hatha phantte moote ya yiiza, oniiya woomwasikheliwa nkhama khantteya yuumwasikhelaka weeyo.”

Luuka 11:36 Referans Kwoze

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

Tiyaaku 1:25

Ila ntthu anlottaaye saana kano khaamili zintanaaye otaphuliwa na khusala asiileza kano zaya etthiipo khuhisala asahawu epile asiiliyeezo na oretta, onttela wiiya wa oshapweyisiwa khwa wakhula etile anrettaaye.

Meepereewu 5:14

Ila etthu yoojiwa yookhomaala eniwaafwayi apale awulu, maana yo mwaasa wa oja wakhula siikhu, anjuwa othawula yooshapweya na yootakhala.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Matewuzhu 13:52

Ye khuwooza yoori: “Tiito wakhula namanozela a kano anozeliweeyo monkoni wa ofwalume wa pinkuuni onlattanana mweenyewe nyuupa anlazaavo va njuju vawe vitthu pheeya na vitthu zaraku.”

Matewuzhu 5:15

Khina ankhozaaye khantteya khuttha n'yuuku. Entthiiwa vahali wawooneyavo yoori ewaamwasikhele atthu apale aniiyaaye nnyupa

Luuka 11:35

Nakataalikha, wiiyane phoole na nuuru eto oriinaaye yoori ehiiye yiiza.

Luuka 11:37

Wakathi Yinsa eeshiyeevo ottakhula, mfwarizeewu mmote khumuuza olawa oja owawe. Ye noofiya khwiikhala vameeza.