Luuka 11:34 - Hapari Zooshapweya

³⁴ Maasho khantteya ya mwiili. Amana maasho awo eeya saana, mwiili awo wooshi oniiya wawiitaala nuuru. Ila amana maasho awo ahiiyi saana, mwiili awo oniiya n'yiiza.

Luuka 11:34 Referans Kwoze

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Akoloosu 3:22

Mweeyo amwiitthwaana, mwiwaasiileze ambwana zenu a vathi apha khwa zooshi, khahiyo paasi yoori mwiwaatuvelise amana eeya attaapho, ila na rooho ya ookhweele, mwaasa wa omoova Nluku.

2 Akorintiyu 11:3

Etthu kinweraweraaye, na kinoovaaye ti yoori nkhama etthiipo nyookha na olavilavi aya yanttettekhiyeeyo Haawa, akhili zenu mweeyo wiiya zootapanyiwa khulikha ookhweele na aputu swaafi ya Al-Masiihu.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Ayeefezu 1:17

Kininvekela Nluku wa Mbwana eetthu Yinsa Al-Masiihu, Paapa wa siifwa, yoori awinkheni rooho ya akhili na yoothonyeziwa khwa onjuwa waya saaneene,

Maaruku 4:12

yoori “ ‘hatha nkhama oona ahijuwe, hatha nkhama asiila ehiweeleye yoori ahizukulise rooho zaya aswaamihiwa!’ ”

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

Maaruku 8:18

Mweeyo mwinaaye maasho ila khamwinoona, mwinaaye mashiilo ila khamwinsiila, khamwinfikhiri?

Khaazi 13:11

Apho, ojuwe yoori nkhono wa Mbwana ontakha wuumanana weeyo, onttela ofwa maasho, ovirevo wakathi paasi ohoonaka njuwa.” Nasaapiru khunteela tthapo na yiiza, eettaka weettetta etthiipile khusala ajizukulela amweekesa ntthu wonkholela nkhono.

Ayeefezu 6:5

Amwiitthwaana, mwiwaasiileze ambwana zenu vathi apha na shitaha na owoova, na rooho ya ookhweele, nkhama mwininrumeyelaaye Al-Masiihu.

Khaazi 2:46

Yo aazowereliye okusanyeya wakhula siikhu Nnyupa Woosifwiwamo, na oretta njampo la mwiili na taamu vamote nyuupa khwa nyuupa, oja zoojiwa zaya na furaha khuluyeene na rooho ya ekhweele,

Maaruku 7:22

oraruwa, okhwiririwa, vitthu zootakhala, ohata, oralana woohiiyi wa halaali, nrima, waapa, ojoona na ololo.

Mwanzo 19:11

na khuwoola maasho alume apale a Sotooma aari vanlako wa Loothi. Waaza attunkhulu mpakha mashaapu khusala apapasela nlako khuhisala asikana.

Luuka 11:35

Nakataalikha, wiiyane phoole na nuuru eto oriinaaye yoori ehiiye yiiza.