Luuka 10:42 - Hapari Zooshapweya

⁴² Ila eti moote ti yiiyiyeeyo yootafikhana. Mariyamu athawula phantte yooshapweya ahinnyakanyeyaaye.”

Luuka 10:42 Referans Kwoze

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Luuka 18:22

Yinsa noosiila mattakhuzi apale khumuuza yoori: “Enuusaleela etthu moote. Wuuzanyise vitthu zawo zooshi nzurukhu aya owenkhe asikhini, toowo ontta wiiyana maali pinkuuni; nawiisha ote okilotte.”

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Maaruku 8:36

Nakataalikha, ena fwayita-ni ntthu opattha fwayita ya olumwenku wooshi, mwiisho waya khumwaashikha nafusi yawe?

Luuka 8:18

Nakataalikha, mwiiyane phoole khwa nanna yoosiila. Otule ariina ontta weekezeliwa, ila otule ahina hatha na etile anuupuwelelaaye wiiyana ontta onyakanyiwa.

Luuka 12:20

“Ila Nluku khumuuza yoori: ‘Nlolo! Osikhu otthuupu ontta ofwa. Maali zawo paani anttelaaye osalana?’ ”

1 Akorintiyu 13:3

Hatha nkhama miiyo keetta owenkha asikhini zooshi kiriinaazo na khwinkha mwiili aka yoori olukuziwe, amana kihina pheta, epo zaya khiniiya hatha etthu.

Luuka 12:33

Muuzanyise zooshi mwiriinaazo, nzurukhu aya mwiwenkhe asikhini. Mwijaattalelele mifukho zihinvaruwaaye, toowo mwinthokorela maali pinkuuni zihiniishaawo, okhu ahinifiyaawo nantarawu wala maweephe yoori aharipu.

Luuka 16:25

“Eburahiima khunjipu yoori: ‘Mwanaka, omfwahamu yoori muuhaayi mwawo waapokheriye vitthu zooshapweya, ila Laazaru muuhaayi mwawe eetta ohoowa. Aphano ye asithirikha, weeyo ontta ohoowa.

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

Luuka 16:2

Ye khunkhuwelisa khumuuzela yoori: ‘Niini epi kinsiilaazo onrettaazo weeyo? Otiise warakha za hisapu koone etthu oretteliyeeyo nzurukhu aka, maana khunteela orutela wiiya namalokozela wa anakhaazi.’

Luuka 10:39

Ye aarina ttwiiye aari wiitthiwaaye Mariyamu, eekhaliye nshini wa moolu a Mbwana Yinsa khusala asiila mattakhuzi apale aari olupaaye.

Luuka 11:1

Siikhu moote Yinsa eetta olompa vahali vaya apho, eeshiyeevo mmote wa anakhiyoni awe khuri: “Mbwana, oninozele olompa nkhama etthiipile Yaahaya na ye awaanozeliyeezo anakhiyoni awe.”

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Yaahaya 11:1

Aarivo mwinyi mmote aari wiitthiwaaye Laazaru ye aari wa nti wa Betaaniya, ottuukho aari wiikhalaawo Mariyamu na ttwiiye Maarata. Laazaru otule khwiiya nlwele.

Yaahaya 11:19

na mayaahuuti enkeene aalawiye onthotola Maarata na Mariyamu na onzuru mwaasa wa opwetheyiwa ti nlupwaaya.

Yaahaya 12:3

Aphano Mariyamu khuthuula suupha ya mafuttha oonukhela awaatta nzurukhu, khuttukunttela moolu a Yinsa khusala akukuttha na nyuuli zawe. Nnyupa wooshimo khwiitaalamo arufu ya mafuttha apale.