Luuka 1:78 - Hapari Zooshapweya

⁷⁸ maana Nluku eetthu tu wa huruma. Onteela othoonyeza nuuru yawe vakatthi veetthu,

Luuka 1:78 Referans Kwoze

2 Pheeturu 1:19

Etthiipo, nalelo theenya ninaaye olipalipa khwa nttakhuzi la manapiyu, na mweeyo mwinretta saana amana mwisiileza, nkhama khantteya enmwasikhelaaye vahali wooripavo mpakha ocha, na phuluvulu omwasikhela nroho mweenu.

Akoloosu 3:12

Nakataalikha, nkhama atthu oothawuliwa a Nluku, attakatthiifu na oophetiwa, mwijiwalise huruma yawaatta, emaani, ojipushuwisa, ojiitthaaza na ovilela.

Afiliipu 2:1

Nkhama niri vamote na Al-Masiihu na fweeyo ninaaye olipiseliwa, na otumereliwa wa pheta, na osiilana wa Rooho, na mahapa a huruma,

Ayeefezu 5:14

Maana nuuru ti emmwasikhelaaye vitthu zooshi. Tiito nttakhuzi la Nluku linlupaaye yoori: “Olankhe oo weeyo onlalaaye, osisimuwe vakatthi wa atthu ofwa, Al-Masiihu ontta wuumwasikhela.”

Othoonyeziwa 22:16

“Miiyo Yinsa, kaperekha nlayikha laka yoori liwinkheni mweeyo oshaahiti opu othoonyaka ojama wa Nluku. Miiyo ki Ntathaari na Ojama wa Daawuuda, na ki Phuluvulu.”

1 Yaahaya 3:17

Nkhama ntthu onaaye vitthu za voolumwenku khumoona ttwiiye athowiwe na khunlipela rooho, pheta ya Nluku enlipa toovi khwa ye?

Afiliipu 1:8

Shaahiti aka Nluku khwa nanna mwikinukheliyeezo, khwa pheta khuluyeene ya Al-Masiihu Yinsa.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.