Luuka 1:65 - Hapari Zooshapweya

⁶⁵ Anamwaattamanana awe ooshi khwiiya awoova, hapari epile khumwazeyela nti wooshi wa nnyaako wa Yudeya.

Luuka 1:65 Referans Kwoze

Luuka 1:39

Ziviriyeevo siikhu, Mariyamu khujilokotthela khusala alawa na waakuva sitati moote yaari nti wa nnyaako za Yudeya.

Khaazi 5:11

Khupattha woova nwulweene ojama wa Nluku wooshi noosiila mattakhuzi aya apale.

Khaazi 5:5

Ananiiya noosiila mattakhuzi apale khukwela vathi khufwa. Khuwaapattha woova ooshi apale aasiiliyeeyo epile zaarettikhaniyeeyo.

Khaazi 2:43

Ooshi aarina woova nwulweene, maana Nluku eetta ovira arettaka vitthu zootikinisa na minjuza zawaatta khwa maaswihaapa apale.

Luuka 7:16

Atthu ooshi khwiiya awoova khunsifu Nluku araka: “Napiyu nwulu aniteela!” Na “Nluku aateeliye owuusuru atthu awe!”

Othoonyeziwa 11:11

Paata ya siikhu epo ttatthu na nuusu phuumu ya ohaayi wa olankha wa Nluku khuweetta, manapiyu apale khweemela na apale ooniyeeyo vitthu epile khuwaapattha woova nwulweene.

Khaazi 19:17

Wakathi zijuwiweevo vitthu epile pi mayaahuuti na akereeku aari wiikhalaaye sitati ya Eefezu khuweetaala woova na nzina la Mbwana Yinsa khwiiya loowulisiwa.

Matewuzhu 2:1

Paata ya Yinsa ovokoliwa Belemu ya Yudeya yenzi ya mfwalume Herooti, ajuwi alankhiye okhu lintthamuwaawo njuwa khuta Yeruzaleemu.

Luuka 5:26

Atthu ooshi aariivo khwiiya ooshanka na woova channu, khusala ansifu Nluku araka: “Leelo noona vitthu zootikinisa.”

Luuka 2:18

Ooshi apale aasiiliyeeyo hapari aari olupaaye amakhampuzi apale khwiiya ooshanka.