Biblia Todo Logo
Bib sou entènèt

- Piblisite -




Khaazi 26:16 - Hapari Zooshapweya

16 Olankhe weemele, miiyo koopuwelela weeyo yoori kuuthawule wiiye karumeya na shaahiti aka, yoori owaathatelele akinoko epile wooniyeeyo leelo na epile kinttelaazo wuuthoonyeza.

Gade chapit la Kopi




Khaazi 26:16
34 Referans Kwoze  

Yinsa Al-Masiihu Mbwana eetthu akinkhiyeeyo kuvu, Ye akoona wiiya ntthu wa waamineya, khukinkha onrumeeyela, kininshukhurwela.


Maana miiyo akipokhereleeni khwa mmakhono wa anaatamu wala akinozeliweeni ti hatha ntthu, ila Yinsa Al-Masiihu ti akithoonyeziyeeyo.


ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.


Khwa otthuupo miiyo karetteya wiiya karumeya khwa khaazi Nluku akinkhiyeeyo ya wuuthoonyezani mweeyo saaneene nttakhuzi lawe,


Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.


Kaalawiye, maana Nluku ti aakithoonyeziye yoori kaarina yooretta etthiipo. Vanthukumano wawiitthaala na attunkhulu, khuweeleza yo mattakhuzi a hapari zooshapweya kinlaleyaaye khwa amalapo, maana miiyo akaari otakha yoori khaazi kikholiyeeyo na khaazi kaari okholaaye ehiiye yoohiina fwayita.


Osikhu wa phiiri Mbwana khumpuwelela Paawulu khumuuza yoori: “Ominyale, nkhama etthiipo waalaweliyeezo oshaahiti monkoni wa miiyo Yeruzaleemu, ona ya olawela theenya Rooma.”


Ila weeyo ojithuze khwa wakhula etthu, ovilele ohoowa, okhole khaazi ya onamalaleya okhole sawasawa khaazi Nluku awinkhiyeeyo.


Amana weeyo owaanozela attwiizo mattakhuzi apa, oniiya karumeya wa Yinsa Al-Masiihu wookemaani, ojilipisanaka mattakhuzi a amini na masomi ookhweele apa olottiyeeyo.


na etthiipo, khunruma Timootiyu, ttwiiyetthu na nakhaazi wa Nluku khwa hapari zooshapweya za Al-Masiihu, yoori ookhomaazeni na wuuthuzani nkatthi wa amini,


Mweeyo mwanozeliwa ti Epaafara, jiraani eetthu ninkholanaaye khaazi, karumeya wa waamineya wa Al-Masiihu khwa mweeyo,


Zooshi epo zinlankha wa Nluku, anisilanisiyeeyo mweenyeweene khwa Al-Masiihu, na aninkha khaazi ya osiilanisa,


Nakataalikha, nihitteettheye maana ninaaye khaazi eti ninkhiweeyo khwa tthakaraka.


khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,


Attaaphale miiyo khuuzela yoori: ‘Kiretteni Mbwanaaka?’ Mbwana khukuuza yoori: ‘Olankhe olawe Tamaashiku, ottuukho onttela wuuziwa etthu yooretta.’


Paawulu khuwaachelisa khusala athatela saaneene zooshi Nluku arettiyeeyo vakatthi wa amalapo khwa khaazi yawe.


Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.


na fweeyo nisala nilompa na weeleza nttakhuzi la Nluku.”


yoori akhole khaazi ya owaaswihaapa vamote na fweeyo, eti Yuuda alikhiyeeyo khweetta puuro yaari onsuhaaye.”


Yuuda aya oto aari wa khuntti yeetthu, aari oretta phantte ya khaazi ethiiti.”


Apale aari mashaahiti ooniyeeyo omwanzo ene zirettikhanaka, khwiiya anamalaleya a hapari zooshapweya, atthaapo pi anifiyiseliyeeyo fweeyo.


Aphano miiyo khumuuzela yoori: ‘O paani weeyo aya Mbwana?’ Khujipu Mbwana araka: ‘Ki Yinsa, otule weeyo oninlupatthaaye.


Nluku akithoonyeza shawuri zawe za siiri na khukitakhela yoori kijuwe, nkhama etthiipo kiwaatikheliyeenini khwa mattakhuzi vattitthiiru.


Swiv nou:

Piblisite


Piblisite