Khaazi 2:42 - Hapari Zooshapweya

⁴² Yo aari ooshututela masomi a maaswihaapa na osiilana, na oretta njampo la mwiili na taamu, na lompa.

Khaazi 2:42 Referans Kwoze

Meepereewu 10:25

Na nihilikhe okusanyeya nkhama ojama wa Nluku. Etthiipo ahinrettaazo akina. Ila nina ya olipiselana mmote na nzeetthu; nkhama etthiipo mwinjuwaazo yoori yasaleela ofiya siikhu ya ota wa Mbwana.

Khaazi 1:14

Wakhula siikhu aari wiiya ookusanyeya vamote na olompa woohilikheleli, na aakha akina vamote na Mariyamu mamaawe Yinsa na attwiize.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

Khaazi 2:46

Yo aazowereliye okusanyeya wakhula siikhu Nnyupa Woosifwiwamo, na oretta njampo la mwiili na taamu vamote nyuupa khwa nyuupa, oja zoojiwa zaya na furaha khuluyeene na rooho ya ekhweele,

Khaazi 20:7

Siikhu ya mwanzo ya sumana, fweeyo khukusanyeya yoori nirafune phaawu, Paawulu khusala attakhula awaalipiselaka mpakha osikhu layili, maana aarina ya oretta safwari mmeesho mwaya.

Ayeefezu 6:18

Wakhula wakathi mwisala mwilompa khwa Rooho Ttakatthiifu na ojeekesela woohilikheleli na mwiwaalompelaka attakatthiifu ooshi.

Yuuda 1:20

Mwikhomaale, ajiraani zaka, khwa amini ttakatthiifu etile mwiriina, mwilompaka khwa Rooho Ttakatthiifu.

Akoloosu 4:2

Mwikhanyarele olompa, mwiiye oojisiileza na ooshukhuru.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

2 Timootiyu 3:14

Ila weeyo, wuumelele vitthu etthiipo onozeliweeyo na okhupaleliyeeyo, weeyo oninjuwa paani oonozeliyeeyo.

Ayeefezu 2:20

Mwajekiwa va nchina la maaswihaapa na la manapiyu, na khwiiyana liwe linkhomaazaaye nyuupa, Yinsa Al-Masiihu.

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

Khaazi 6:4

na fweeyo nisala nilompa na weeleza nttakhuzi la Nluku.”

Khaazi 4:31

Paata ya maaswihaapa apale wiisha olompa, puuro etile akusanyeyiyeevo khusala esakhinyeya, ooshi khuwiitaala Rooho Ttakatthiifu, khusala alaleya nttakhuzi la Nluku woohoovi hatha etthu.

1 Akorintiyu 10:21

Khinretteya mweeyo onywela jiikira ya Mbwana na onywela jiikira ya majini; mwihirette phantte ya meeza a Mbwana na meeza a majini.

Arooma 12:12

Mwifurahele nroromelo mwiriinaaye, mwiiye oovilela miswipa, na olompa woohilikheleli.

Meepereewu 10:39

Fweeyo, khahi apale anrutelaaye nyuma na khupwetheya; ila fweeyo pi apale ankhupalaaye khuusurukha.

Khaazi 11:23

Noofiya khoona rehema ya Nluku, khwiiya woofurahi na khuwaalipisela yoori eeye ookhomaala mmakhono wa Mbwana na rooho yaya yooshi.

1 Akorintiyu 11:2

Miiyo kinuuttottopelani mwaasa wa okuupuwela na okholelela sawasawa menttezi khwa nanna kuufiseliyeenini.

Khaazi 20:11

Paawulu khuwela opheya khurafuna phaawu. Khurutela otafusiri theenya khulawana mpakha ocha, nawiisha khusala alawa.

1 Yaahaya 2:19

Yo alaavo vakatthi veetthu, nakataalikha apo aya khaari eetthu; maana eriwaka eettiye wiiya eetthu eetta onipharelela na fweeyo; yo alaavo yoori athoonyeze yoori ooshi khaari eetthu.

Akaalata 1:6

Kashanka mwaasa wa owoonani nasaapiru omwanswi otule ookhuweliyeenini khwa rehema ya Al-Masiihu, khweettela mwentto wa hapari kiina.

Khaazi 4:23

Wakathi Pheeturu na Yaahaya alawiyeevo, noofiya vahali aarivo ashirikhaaya, khusala awaathatelela zooshi epile aari wuuziwaaye pi mahaakhimu a tiini na attunkhulu a tiini.

Luuka 24:35

Nayo apale awiri khusala alupa epile ooniyeezo ntarikhi na nanna anjuwiyeezo Mbwana wakathi ameyiyeevo phaawu.

Luuka 24:30

Wakathi eekhaliyeevo vameeza vamote na atthaapale awiri, khuthuula phaawu khuparikhiya, khumeya khuwenkha.

1 Akorintiyu 14:6

Aphano attwiizaku, amana miiyo kita wuuthotolani na kittakhulaka luuka pheeya, mwimpatthanivo mweeyo, woohiiyi miiyo owuuzani monkoni wa othoonyeziwa, ama ojuwa, ama otafusiri ama masomi?

Afiliipu 1:5

mwaasa wa oretta phantte ya khaazi ya hapari zooshapweya, thanku siikhu ya mwanzo mpakha nasaapi.