Khaazi 19:9 - Hapari Zooshapweya

⁹ Ila akinoko aya khuumisa rooho zaya khukatthala okhupali, khusala attakhula vitthu zootakhala monkoni wa Tarikhi ya Yinsa eettaka olupa vamwanttiwa. Paawulu, khuwaasusa apale aya, khuwaathuula anakhiyoni, khusala awaasomisa siikhu zooshi nlipantta la Tiraanu.

Khaazi 19:9 Referans Kwoze

Khaazi 19:23

Wakathi aya otthuupo laapuwiye nzuuzu liwululene monkoni wa Tarikhi.

Khaazi 9:2

khunvekela warakha ya ruhusa yoori alawe mmasinakooka ya sitati ya Tamaashiku, amana awaasikanamo anamalottela a Yinsa, waaza alume mpakha aakha awaathuule awaalawane Yeruzaleemu awaatthe nkalapooso.

2 Pheeturu 2:12

Ila atthu aya apo anlattanana nyama zohuupuweli zinikhalaaye yoori zikholiwe na zuuliwe. Anttakhula wootakhalavo khwa epile ehiniweeleyaaye. Anttela otapanyiwa nkhama nyama.

Khaazi 14:4

Atthu a mmuti mphule khwaawanyeya, akina khwiiya phantte ya mayaahuuti akina khwiiya phantte ya maaswihaapa.

Yuuda 1:10

Ila apo aya antarawu yooshi etile ehiniweeleyaaye; na anretta vitthu nkhama nyama ehinuupuwelaaye, yo anretta eniwaatelaaye, mpakha vitthu zaya epo ziniwaatapanyeya.

2 Pheeturu 2:2

Atthu enkeene anteela olottela tarikhi zoopatthisa haaya za atthu atthaapo, na mwaasa wa atthaapo enttela otaraweya tarikhi ya haakhi.

Meepereewu 3:13

Olikha toowo, mwitumerelane siikhu zooshi mmote na nzeenu khwa wakathi oniitthiwaaye “leelo”, yoori ahiiyevo mmote wa mweeyo enttelaaye wuumisiwa rooho ti ottettekha wa twampi.

1 Timootiyu 6:5

na oshinttana woohilikheleli. Nkhama etthiipile aazowereliyeezo atthu awiiyana akhili za wuntuwanyiwa, eeyeliweeyo haakhi yaya, apo aya anoona yoori tiini etthu enreelisaaye.

Arooma 11:7

Apho kilupe niini? Ezirayiilu khapattheene etile aari weekesaaye, ila anamathawuliwa apattha. Akina zoomisiwa rooho zaya,

Arooma 9:18

Nakataalikha, Nluku ona tthakaraka khwa otule anintakhelaaye, na onuumisa rooho ya otule anintakhelaaye.

Khaazi 22:4

Kalupattha Tarikhi eti mpakha otapwatela, kiwaakholaka anamalottela aya alume na aakha na owaattha nkalapooso.

Khaazi 7:51

“Atthu ookhijili, na oolipa rooho na oohisiili! Mweeyo mwazowerela okhijilela Rooho Ttakatthiifu, etthiipo aari orettaazo apapazenu na mweeyo mwinretta etthiipo!

2 Timootiyu 4:2

otafusiri nttakhuzi, wiiye woojitthenkeza khwa wakathi ama oje wa wakathi. Oshowere, olikhise, olipisele woopholevo na ovilela venkivene khwa thwapiya.

2 Timootiyu 3:5

ariinaaye wuuso wa omuumini, ila ankatthalaaye owahi waya opo. Ojiphakulane apo aya.

2 Timootiyu 1:15

Weeyo wajuwa yoori attwi ooshi apale a Aaziya kaarinaaye akanswi, mpakha Fijeelo na Erimojeeni.

Khaazi 28:22

Khwa attaapho naari otakha osiila khwa phantte yawo shawuri oriinaazo, maana najuwa yoori wakhula vahali enttakhuliwa vitthu zootakhala monkoni wa khuntti eti.”

Khaazi 24:21

woohiiyi mattakhuzi apa kilupiyeeyo wakathi kaari vakatthi vaya kiraka: ‘Leelo kintta ophukiwa ti mweeyo monkoni wa osisimuwa wa ananfwa.’ ”

Khaazi 20:31

Apho, mwijeekesele, mwifikhirele yoori khwa nyaakha mittatthu miiyo akilikheleleeni wuulipiselani wakhula mmote wa mweeyo, osikhu na nthana, na mishozi zeettaka okikwa.

Khaazi 19:30

Paawulu aari otakha yoori ajithoonyeze vakatthi wa atthu ooshi ila anakhiyoni khuhintakhisi.

Khaazi 17:4

Mayaahuuti akina aya khukhupali mattakhuzi apale khukusanyeya na Paawulu na Siila, na akereeku awaatta a rooho ya omoova Nluku, na aakha ooshitahiwa.

Khaazi 11:26

Wakathi ansikaniyeevo khunthuula khusala alawa Antiyookiya. Yo aari wiiya okusanyeya na ojama wa Nluku wa Antiyookiya noowaasomisa atthu awaatta khwa mwaakha ntero. Antiyookiya pu ohali anakhiyoni aziiyeewo wiittheliwa nzina la atthu a Al-Masiihu.

Yaahaya 12:40

“Oola maasho aya na oomisa rooho zaya, yoori ahoone na maasho aya, na ehiweeleye nroho mwaya, wala ahikhupali, na miiyo kiwaavonise.”

Matewuzhu 26:55

Wakathi otthuupule Yinsa khuwoozela atthu apale yoori: “Mwakiteela okikhola na phanka na puutta, nkhama namalokozela wa anazompere? Siikhu zooshi miiyo kaari osomisa Nnyupa Woosifwiwamo, khi mweeyo ohikikholi!

Matewuzhu 16:4

Khapila yootakhala na yooraruwa enveka alama ya minjuza, ila hatha alama khinlawa winkhiwa yohiiyi alama ya Yuunusa.” Aphano Yinsa khuwaalikha khulaavo aphale vaya.

Matewuzhu 15:14

Mwiwaalikhe, maana yo khanoona na aniweettettisa ananhooni. Amana ntthu woohooni amweettettisa nahooni nzaawe ooshi antta okwela nliphotto.”

Zaapuura 95:8

Mwihuumise rooho zenu nkhama amarehemu apapazenu arettiyeeyo nti wa Mariiba, na nkhama siikhu etile nti wa Maasa n'yaara,

1 Akorintiyu 16:9

Maana wafukuliwa khwa miiyo nlako mmote nwulweene na ruhusa; na awaapho ashinttani awaatta.