Khaazi 14:1 - Hapari Zooshapweya

¹ Paawulu na Baranabe sitati ya Ekooniyu eettiye nsinakooka ya mayaahuuti. Nttumpho khusala attakhula mpakha khufiyelela atthu enkeene onkhupali Yinsa waaza mayaahuuti mpakha amalapo.

Khaazi 14:1 Referans Kwoze

Khaazi 18:4

Wakhula saapatu aari weettaka nsinakooka khusala awaashintta mayaahuuti na makereeku.

Khaazi 13:51

Attaaphale khutatha lifufu laari mmoolu mwaya, khusala alawa nti wa Ekooniyu.

Khaazi 13:46

Aphano Paawulu na Baranabe khuwaajipu woojilipisavo yoori: “Yaari ohithajiya waaza wuutafusirelani nttakhuzi la Nluku. Mwaasa wookatthala khinuusuhini opwekherela ohaayi wa mileele, apha nintta olawa nawaalaleyele amalapo.

Khaazi 14:21

Paawulu na Baranabe khulaleya hapari zooshapweya sitati etile na khuwaaretta anakhiyoni awaatta. Nawiisha khurutela Ekooniyu, Liishitera na Antiyookiya.

Akaalata 3:28

Khina yaahuuti wala kereeku, ama mwiitthwaana wala woohiiyi mwiitthwaana, wala muukha ama nlume, mooshi mwa amoteru khwa Yinsa Al-Masiihu.

Arooma 10:12

Khawiivo ofwarikhana khwa mayaahuuti na amalapo, maana Mbwana othuuto mmote ti Mbwana wa atthu ooshi na oniwaaparikhiya saaneene ooshi apale aninkhuwelaaye,

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Khaazi 19:17

Wakathi zijuwiweevo vitthu epile pi mayaahuuti na akereeku aari wiikhalaaye sitati ya Eefezu khuweetaala woova na nzina la Mbwana Yinsa khwiiya loowulisiwa.

Khaazi 19:8

Khwa nyeezi mittatthu, Paawulu aari weettaka nsinakooka, attakhulaka woominyalavo monkoni wa ofwalume wa Nluku.

Khaazi 18:8

Kirishipu, namalokozela wa sinakooka khunkhupali Mbwana, na ajamaaze ooshi na akorintiyu enkeene asiiliyeevo khukhupali khulawa khoosiwa.

Khaazi 17:12

Khwa etthiipo mayaahuuti awaatta khukhupalela, theenya amalapo, aakha ooshitahiwa na alume awaatta.

Khaazi 17:4

Mayaahuuti akina aya khukhupali mattakhuzi apale khukusanyeya na Paawulu na Siila, na akereeku awaatta a rooho ya omoova Nluku, na aakha ooshitahiwa.

Khaazi 13:43

Paata ya wiisha nkutthaano, mayaahuuti awaatta na atthu akina asilimweliye oyaahuuti khusala anlotta Paawulu na Baranabe. Yo khusala awaalipisela awoozaka yoori ajilipesena rehema ya Nluku.

Khaazi 11:21

Nkhono wa Mbwana waari vamote na yo, atthu awaatta khukhupali khusala anlotta Mbwana.

Khaazi 9:20

Wakathi otthuupule khwaaza olaleya mmasinakooka araka Yinsa Mwaana wa Nluku.

Khaazi 21:28

Khusala anyakulaza alupaka yoori: “Meezirayiilu, mwinaawuni! Mwinyi otu ti othuutu aniwaasomisaaye atthu a phantte zooshi alupaka vitthu zoohata khwa khapila ya Ezirayiilu, akufurwelaka puuro eti na athanyaka kano za Munsa, theenya oniwaavirisa makereeku Nnyupa Woosifwiwamo.”

Khaazi 20:21

Kiwaatafusirelaka venkivene mayaahuuti mpakha akereeku yoori ankhupali Nluku athupwiye na amwaamini Mbwana eetthu Yinsa.

Khaazi 17:17

Tiito, amana eetta nsinakooka ye aari okheetisanana mayaahuuti na akereeku apale omoova Nluku. Wakhula siikhu aari olawaka valipuwa aari othukumanaavo atthu olawa okheetisanana na wakhula otule aari onsikanaavo.

Khaazi 16:1

Paawulu khuthotola Teerepe khuvikanela Liishitera, ottuukho aari wiikhalaawo nakhiyoni mmote aari wiitthiwaaye Timootiyu. Mamaawe aari yaahuuti namalottela wa Yinsa ila papaawe aari nkereeku.

Khaazi 14:2

Ila mayaahuuti apale ahaakhupaliyeeyo khusala awaatakhela viittha amalapo yoori oomanane mamuumini.

Khaazi 13:5

Noofiya nti wa Salamiina, khusala alaleya nttakhuzi la Nluku nsinakooka ya mayaahuuti, aarina Yaahaya anjuwaniwaaye Maaruku aari namwaawuni.

Yaahaya 12:20

Khwa atthu apale aalawiyeeyo omwaaputu Nluku onjampo la Paashikowa akina aari akereeku.

Yaahaya 7:35

Mayaahuuti khusala oozelana atthaaporu yoori: “Ontta vayi mwinyi aya otu nihinttelaaye onsikana? Talili onttela wiikhala na mayaahuuti apale aniikhalaaye malaponi, ama onttela owaasomisa akereeku?

Akoloosu 3:11

Khwa ohaayi opu mpheya khawiivo ofwarikhana khwa amalapo na mayaahuuti, ookhiriya na oohikhiriyi, woosilimu wala woohisilimu, mwiitthwaana na wootaphuliwa, ila Al-Masiihu zooshi na ori khwa atthu ooshi.

Akaalata 2:3

Ila wala Tiitu, otule kaarina, khooziwe yoori akhiriye, eeyiyeru pure nkereeku.

Khaazi 19:10

Khuvira awaasomisaka mpakha nyaakha miwiri, atthu ooshi aari wiikhalaaye Aaziya khusiila nttakhuzi la Mbwana waaza mayaahuuti mpakha akereeku.

Maaruku 7:26

Muukha otule aari nkereeka ya siiro-fineesiya aavokoliweewo, khusala anvekela Yinsa yoori amwiikare sheethwani aari mmwiili wa mwanawe.

Khaazi 2:47

ansifwaka Nluku na khusala apattha rehema mmakhono wa atthu ooshi. Apho Mbwana wakhula siikhu aari ovira aweekezelaka atthu a wuusurukha.

Khaazi 14:19

Aphano khuta mayaahuuti akina oolankha sitati ya Antiyookiya na Ekooniyu, khushintta khuntti etile ya atthu apale, khusala anvonya Paawulu na mawe, khumweeselela othetekele wa sitati, oonaka yoori eetta ofwa.

Khaazi 16:2

Attwiize a Liishitera na Ekooniyu khusala anlawela oshaahiti wooshapweya.

2 Timootiyu 3:11

lupattha na ohoowa zikivireliyeeyo, vitthu zikirettikhaneliyeezo Antiyookiya, Ekooniyu na Liishitera. Swaafu kavi kivileliyeeyo lupattha! Ila khwa vitthu zooshi epo Mbwana akitaphula!