Khaazi 13:10 - Hapari Zooshapweya

¹⁰ khumuuza yoori: “Mwaana wa sheethwani wamwiitaala ottettekha na zootakhala zooshi, atuwi wa shariya! Khunlikha otapwatela tarikhi za wookowa za Mbwana?

Khaazi 13:10 Referans Kwoze

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Akaalata 1:7

Khaziivo hapari zooshapweya kiina. Ila awaapho atthu ootakha wuutapanyani na otapwatela hapari zooshapweya za Al-Masiihu.

2 Akorintiyu 11:3

Etthu kinweraweraaye, na kinoovaaye ti yoori nkhama etthiipo nyookha na olavilavi aya yanttettekhiyeeyo Haawa, akhili zenu mweeyo wiiya zootapanyiwa khulikha ookhweele na aputu swaafi ya Al-Masiihu.

Matewuzhu 13:38

Nshapa olumwenku, peewu yooshapweya aana a muufwalume. Ntakatakha aana a sheethwani.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Luuka 11:52

“Olaanikha pu weenu mweeyo anamanozela a kano, maana mwathuula efukulo ya ojuwa, ila mweeyo khuhivirimo na khuwaakhattaza apale aari otakhaaye oviramo.”

2 Pheeturu 2:15

Yo answi tarikhi ya wookowa na athowelela, khusala alottela tarikhi ya Palaawu, mwaana wa Beyoori, otule entuveliyeeyo phakari ya vitthu zohiiyi za shariya,

Khaazi 20:30

Mweeyena ru anlawa apuwevo akina anttelaaye okarawela haakhi yoori awaathowelelise attwiizaya.

Matewuzhu 23:13

“Olaanikha pu weenu mweeyo anamanozela a kano na mafwarizeewu, manaafikhi, maana mwiniwafukela atthu ofwalume wa pinkuuni, ila na mweeyo khuheettimo na khamwintakha owaalikha weettamo apale antakhaaye weettamo waya!

Matewuzhu 15:19

Maana nroho ti zinlankhaamo shawuri zootakhala nkhama epi: Wuula, oraruwa, oshawi akhapa, wiiya, olokova na ohankawaani.

Matewuzhu 3:7

Wakathi ye awooniyeeyo mafwarizeewu na masatukhi enkeene ateliye woosiwa ti ye, khuwooza yoori: “Khapila ya evili! Ti paani awuuziyeenini otthira katapu entaaye?

Yaahaya 1:23

Yaahaya khujipu na mattakhuzi a napiyu Ezaaya araka: “Miiyo ki huula enkhuwaaye n'yaara eraka: ‘Mookolele tarikhi ya Mbwana.’ ”

Luuka 11:39

Mbwana khuwooza yoori: “Mweeyo mafwarizeewu, mwinoosa koopho na parathu oje waya, ila rooho zenu zeetaala vitthu za omaashokopho na zoohusuti.

Mwanzo 18:19

Maana miiyo kanthawula ye yoori awaanozele aanaawe na omathi awe, weettettela saana tarikhi ya Nnyizinku, arettaka etile yiiyiye ya shariya na yoolotteya, yoori miiyo Nnyizinku kirette khwa Eburahiima etile kaahitiyeeyo.”

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.