Khaazi 1:3 - Hapari Zooshapweya

³ Paata ya ohoowa na ofwa, Yinsa aajithoonyeziye wiiya haayi khwa maaswihaapa awe nanna nannazene zoohikheeteyi yoori ori haayi. Khuwaapuwelela khwa siikhu arupayiini awoozaka monkoni wa ofwalume wa Nluku.

Khaazi 1:3 Referans Kwoze

Khaazi 13:31

Siikhu zawaatta ooniwe pi apale aalawaniyeeyo Kalileya eettaka Yeruzaleemu. Apo aya pi eeyiye mashaahiti awe vakatthi wa atthu.

Yaahaya 20:26

Paata ya ovira siikhu naane anakhiyoni awe khurutela okusanyeya nttumphule theenya na Tome aarivo. Milako ziri zoofukiwa, Yinsa khuta khweemela vakatthi vaya khuri: “Heeri yiiye vamote na mweeyo!”

1 Yaahaya 1:1

Niniwaatikhelani monkoni wa Nttakhuzi la ohaayi, nttinttho laariivo thanku waaza woolumwenku, ti othuutu ninsiiliyeeyo na nimooniyeeyo na maasho eetthu na ninsapiyeeyo na makhono eetthu.

Yaahaya 21:14

Eto yaari swaafu ya ttaatthu Yinsa ajithoonyezaka vakatthi wa anakhiyoni awe, paata ya osisimuwa muufwa.

Yaahaya 21:1

Paata ya toowo Yinsa khuwaapuwelela anakhiyoni awe opheya nshini wa ntthatta liniitthiwaaye Tiperiyaati. Ti nanna ye aajithonyeziyeeyo:

Matewuzhu 28:9

Nasaapiru, Yinsa khuwaapuwelela na khuwooza yoori: “Salaama!” Yo khumwaattama na khupatikha moolu awe khumwaaputu.

Khaazi 28:31

awaatafusirelaka Ofwalume wa Nluku woominyalavo na woohiina hatha shaakha awaasomisaka monkoni wa Yinsa Al-Masiihu.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

Akoloosu 1:13

Ye anikaphula nkatthi wa oshintta wa yiiza khunittha muufwalume wa Mwanawe wompheta wawe,

Arooma 14:17

Maana ofwalume wa Nluku khahiyo etthu yoojiwa wala yoonywiwa, ila shariya, heeri na furaha khwa Rooho Ttakatthiifu.

Matewuzhu 21:43

Paata ya toowo kiniwuuzani yoori Ofwalume wa Nluku mwinttela onyakanyiwa enkhiwe apale aniimaaye mishumo za Ofwalume.

Matewuzhu 4:2

Paata ya ofuka siikhu arupayiini nthana na osikhu, khunkhola jala.

Matewuzhu 3:2

araka: “Mwithupwiye, maana Ofwalume wa pinkuuni ori kharipu.”

Maaruku 16:19

Paata ya owooza mattakhuzi apale, Mbwana Yinsa khuweziwa pinkuuni khwiikhala nkhono nlume wa Nluku.

Khaazi 8:12

Ila paata ya Filiipe owaatafusirela monkoni wa hapari zooshapweya za ofwalume wa Nluku khwa nzina la Yinsa Al-Masiihu, yo khukhupali na khulawa khoosiwa, alume mpakha aakha.

Khaazi 19:8

Khwa nyeezi mittatthu, Paawulu aari weettaka nsinakooka, attakhulaka woominyalavo monkoni wa ofwalume wa Nluku.

Khaazi 28:23

Khusiilana orutela okutthana na Paawulu siikhu kiina, khulokotthelana khuntti yene khusala alawa owawe. Waaza supu yooshi mpakha njuwa oveva eettaka owaanozela na alazaka oshaahiti wa ofwalume wa Nluku, eekesaka owaashintta monkoni wa Yinsa, nkatthi wa kano za Munsa na za manapiyu.