Khaazi 1:15 - Hapari Zooshapweya

¹⁵ Siikhu etthiipile Pheeturu khweemela vakatthi wa mamuumini vahali aakusanyeyiyeevo atthu miiya na eshiriini khulupa awoozaka ooshi yoori:

Khaazi 1:15 Referans Kwoze

1 Akorintiyu 15:6

Paata ya toowo, khuwaapuwelela attwi aari ozitaaye miiya thaanu khwa swaafu moote, enki wa apo aya mpakha leelo ari haayi, ila akina afwa.

Othoonyeziwa 11:13

Wakathi otthuupule khupuwa esikinyaatthi khuluyeene, na khupwecheya phantte ya khuumi ya sitati, atthu alufu sapa khufwa khwa esikinyaatthi; apale asaliyeeyo khwiiya oosuthuwa venkivene na khumwinkha siifwa Nluku wa pinkuuni.

Khaazi 21:20

Paata ya osiila mattakhuzi apale yo khunttitthimisa Nluku na khulupa yoori: “Owoone attwiizetthu, alufu alufu zene mayaahuuti aretteyiyeeyo onamalottela a Yinsa na ooshi pi ookhomaalela kano za Munsa.

Yaahaya 21:23

Khwa etthiipo khumwazeyela vakatthi wa attwi yoori nakhiyoni otule khaari oteela ofwa. Ila Yinsa khaalupiye yoori khaari oteela ofwa; aalupiye yoori: “Nkhama miiyo katakha yoori eeye haayi mpakha miiyo oruti, weeyo enuujali niini?”

Othoonyeziwa 3:4

Maana, mweeyo mwinaaye atthu vattitthiiru Saariti okho ahinyakuseeni kuwo zaya. Yo anttela weettettana miiyo, awaliye kuwo zoolakala, maana ansuhi.

Yaahaya 14:12

Miiyo kiniwuuzani khweele yoori, otule anikikhupalaaye miiyo onkhola khaazi epi kikholiyeezo hatha onkhola zooziti epi, maana miiyo kineetta wa Paapa.

Luuka 22:32

Ila miiyo koolompela yoori amini yawo ehizime. Amana orutela wiiya vamote na miiyo, owaalipisele azaawo.”

Matewuzhu 13:31

Na khuwooza nlikaniso nkina araka: “Ofwalume wa pinkuuni ori nkhama phunje ya samuli, ntthu anthuulaaye khuzala mmashapa mwawe.

Khaazi 10:23

Pheeturu khuwooza yoori avire nnyupa amake. Siikhu ya phiiri Pheeturu khulankha na atthu apale, vamote na mamuumini akina a Yoope khusala amperekha.

Khaazi 11:1

Maaswihaapa na attwi ooshi a Yudeya khusiila elupiwaka yoori amalapo apwekherela nttakhuzi la Nluku.

Khaazi 11:12

Rooho Ttakatthiifu khukuuza yoori kiwaalotte woohiina hatha shaakha. Attwi apa sitha theenya khulawa vamote na miiyo. Khuvira nnyupa wa mwinyi aya otule.

Khaazi 11:26

Wakathi ansikaniyeevo khunthuula khusala alawa Antiyookiya. Yo aari wiiya okusanyeya na ojama wa Nluku wa Antiyookiya noowaasomisa atthu awaatta khwa mwaakha ntero. Antiyookiya pu ohali anakhiyoni aziiyeewo wiittheliwa nzina la atthu a Al-Masiihu.

Khaazi 11:29

Anakhiyoni khujilakelela owaawuni attwiizaya aari wiikhalaaye Yudeya wakhula ntthu khwa khiima aari owahaazo.

Khaazi 12:17

Ye khulansa nkhono awe khuwenkha alama yoori eeye oonyamala, khusala awaathatelela nanna Mbwana anlaziyeemo nkalapooso na khuwooza yoori: “Mattakhuzi apa mwinjuwise Tiyaaku na attwiizetthu.” Khulankha khusala alawa phantte kiina.

Khaazi 14:2

Ila mayaahuuti apale ahaakhupaliyeeyo khusala awaatakhela viittha amalapo yoori oomanane mamuumini.

Khaazi 15:1

Atthu akina a Yudeya khuta mpakha Antiyookiya, noofiya khusala awaasomisa attwi zaya awoozaka yoori: “Mweeyo amana mwihikhiriyi nkhama etthiipo Munsa anisomisiyeezo khamwinteela wuusurukha.”

Khaazi 15:3

Ojama wa Nluku wa Antiyookiya khuwaaruma yoori alawe, alawaka khuvira nti oniitthiwaaye Feniisiya mpakha Samariiya. Khusala awaathatelela attwiizaya nanna amalapo ankhupaliyeezo Yinsa; hapari zaya epo zaari owaafurahisa channu attwiizaya ooshi.

Khaazi 16:2

Attwiize a Liishitera na Ekooniyu khusala anlawela oshaahiti wooshapweya.

Khaazi 16:40

Wakathi aliiyeemo nkalapooso, Paawulu na Siila khulawa owawe Liitiya, ottuukho awaasikaniyeewo attwiizaya na khuwaalipisela khuvira alawaka.

Khaazi 17:6

Khuhiwaasikaniwo, tiito khunkhola Yasooni na attwiize akinoko, khuwaatana vakatthi wa attunkhulu a sitati ethiitile, anyakhulazaka araka: “Apa pi antothaaye wuumani olumwenku wooshi, apha afiya mmuti mphu,

Khaazi 17:10

Nooripa attwi khumperekha Paawulu na Siila weetta sitati ya Bereeya. Noofiya Bereeya yo khweetta nsinakooka ya mayaahuuti.

Khaazi 17:14

Nasaapiru attwi khumperekha Paawulu yoori alawe nti wa waattamela pahari, ila Siila na Timootiyu khusala Bereeya ottuukhule.

Khaazi 18:18

Paawulu khwiikhala Korintiyu ottuukhule siikhu zawaatta. Nawiisha khuwaaleza attwiize khulokhela nti wa Siiriya, aaperekhiwe ti Pirisiila na Akiila. Ahinattikhe khunyoola eeshwa yawe Senkereeya, athoonyezaka alama ya oretta etthu amwahitiyeeyo Nluku.

Khaazi 18:27

Apoolu khusala atakha olawa nti wa Akaaya, attwiize khunlipisela na khuwaatikhela warakha anakhiyoni yoori ampwekherele. Noofiya khuwaawuni apale aakhupaliyeeyo khwa rehema,

Khaazi 21:7

Khuvira nilawaka safwari yeetthu ya olankha Tiiru mpakha ofiya Pitolemasi, ohali nawaachelisiyeewo attwiizetthu khwiiya ottuukho siikhu moote vamote na yo.

Khaazi 21:17

Wakathi nifiyeevo Yeruzaleemu, attwi khunipwekherela na furaha khuluyeene.

Khaazi 22:5

Haakhimu nwulu wa tiini na khuntti yooshi ya attunkhulu a tiini mashaahiti aka; maana yo ti aari okinkhaaye warakha yoori kawenkhe anamalokozela a Tamaashiku, miiyo khulawa mpakha ottuukhu, oweettela atthu Yeruzaleemu nkhama anapherezu yoori ate ahukhumwiwe.

Khaazi 28:14

Ottuukhule khuwaasikana attwi aanuuziyeeyo wiikhala sumana vamote na yo. Nawiisha khusala nilawa Rooma.