Filimooni 1:6 - Hapari Zooshapweya

⁶ Kinlompa yoori osiilana wa amini yawo oretteye wiiya wa wooneya saaneene khwa ojuwa zooshi zooshapweya niriinaazo khwa Al-Masiihu.

Filimooni 1:6 Referans Kwoze

2 Pheeturu 1:8

Maana makhaamu mwintakhaaye wiiyana pi apa. Amana mwiiyana na khuretta yoori eekezeleye, mwiniiya okhomaala na mwinteela wiima vitthu zawaatta zooshapweya mwaasa wa fwayita ya ojuwa wooshi mwiriinaaye khwa Mbwana eetthu Yinsa Al-Masiihu.

Akoloosu 1:9

Khwa ethiito, thanku siikhu nisiiliyeeyo, khanilikheleleeni wulompelani mweeyo na oveka yoori mwiiye awiitaala ojuwa wooshi wa niiya ya Nluku, na akhili zooshi na weeleyiwa wa nroho.

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

1 Pheeturu 2:12

Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.

Tiyaaku 2:17

Khwa etthiipo theenya amini ottho, yoohipakhanyiwi na khaazi, eniiya yoofwa.

Tiyaaku 2:14

Ena fwayita ni ntthu olupa yoori ona amini ila ehina khaazi zooshapweya? Talili niri amini yaya eto enimuusuru?

Meepereewu 6:10

Nluku khahi woohiiyi wa shariya. Ye khanteela osahawu khaazi zenu na pheta mwithonyeziyeeyo, maana mwawenkha nkhono attakatthiifu na apho mwinvira mwiwenkhaka.

Tiitu 3:14

Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.

1 Akorintiyu 14:25

na siiri za nroho mwawe enteela osaruwa, khwa etthiipo, ye onkokhora afiise ajihi vathi, na omwaaputu Nluku anyakulaka araka: “Wekhweele Nluku ori vakatthi venu!”

1 Pheeturu 3:16

Khwa zooshi, mwirette epo khwa emaani na shitaha mwithokorelaka akhili zooshapweya, khwa nanna yoori apale anttakhulaaye wootakhalavo khwa menttezi enu ooshapweya khwa Al-Masiihu, ewaapatthe haaya na ohankawaani aya.

1 Pheeturu 3:1

Khwa nanna etthiipo, mweeyo aakha mwina ya owaashitahi amanna zenu, yoori nkhama yo khankhupalela nttakhuzi la Nluku, afiyelele okhupali mwaasa wa menttezi enu, woohuuziwi hatha nttakhuzi,

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

1 Akorintiyu 16:9

Maana wafukuliwa khwa miiyo nlako mmote nwulweene na ruhusa; na awaapho ashinttani awaatta.

Akoloosu 3:10

na mwawala ontthu mpheya, onzukulisiwaaye khwa ojuwa wa ratarato ya otule amumpiyeeyo.

Matewuzhu 25:16

Otule enkhiweeyo milikhi thaanu za nzurukhu wa feeta, khulankha nasaapiru olawa oretta zanshara khupattha milikhi thaanu kiina.