Ayeefezu 6:20 - Hapari Zooshapweya

²⁰ Kafukiwa na makwinjili mwaasa wa onakhaazi wa hapari zooshapweya, mwikilompele yoori kiiye woominyala kisala kilaleya khwa nanna kiriinaazo ya olupa.

Ayeefezu 6:20 Referans Kwoze

2 Akorintiyu 5:20

Nakataalikha, fweeyo na nthoonyezo wa Al-Masiihu, nkhama Nluku anhirimizaaaye anirumeyelaka fweeyo. Khwa pheta ya Al-Masiihu, mwijisiilanisane Nluku.

Akoloosu 4:4

Mwilompe yoori miiyo kiwahi wuujuwisani saaneene khwa nanna kiriina ya oretta.

2 Timootiyu 2:9

Miiyo kinhoowa mwaasa wa hapari etthiipo mpakha ofiyelela ofukiwa nkhama nazompere; ila khalifukiweeni nttakhuzi la Nluku.

Afiliipu 1:7

Ti ya shariya miiyo ojoona toowo monkoni wa mweeyo, nkhama etthiipo mwiriiye varoho vaka, hatha nkhama kiri mmakwinjili akifukiyeeyo, hatha kaakiselaka na kihakikhaka hapari zooshapweya, mooshi mweeyo mwinretta phantte na miiyo nrehema ya Nluku.

Khaazi 26:29

Paawulu khujipu araka: “Wakathi wa waatta ama vattitthiiru, kininvekela Nluku khahiyo khwa weeyo paasi, ila apale ooshi anikisiilaaye aretteye wiiya nkhama miiyo, woohiina makwinjili apa kiriina.”

1 Yaahaya 3:16

Khwa etthiipo ninjuwa niini pheta: Yinsa aleva ohaayi awe khwa fweeyo, na nina yooleva ohaayi eetthu khwa attwi zeetthu.

2 Timootiyu 1:16

Mbwana ti oonele huruma vaje wa Onisiiforu, maana swaafu zinki ti aari okilipiselaaye woohimpatthisi haaya ofukiwa waka.

1 Atizaloonika 2:2

Neeyiyeru pure woohikholiwi saana na ottukhaniwa sitati ya Filiipu, nkhama mweeyo mwinjuwaazo, khwa awuni ya Nluku naarina ominyala wa olaleya hapari zooshapweya za Nluku khwa mweeyo, vakatthi wa viittha ya waatta.

Afiliipu 1:20

Kineekesela wa phoolevo kiwejelaka yoori khinteela okipattha haaya khwa hatha etthu. Olikha toowo khwa ominyala waka wooshi, nasaapi mpakha mileele, Al-Masiihu onteela ottitthimisiwa khwa mwiili aka, hatha khwa ohaayi, hatha khwa ofwa.

Ayeefezu 6:19

Na theenya mwikilompele yoori amana kittakhulaka kipatthe ominyala na kisala kinkhiwa mattakhuzi aya, yoori ejuwiwe siiri za hapari zooshapweya.

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Ayeefezu 3:1

Mwaasa wa ethiito, kininvekela Nluku miiyo Paawulu, kimpattikhanaaye kiri napherezu khwa Al-Masiihu yoori mweeyo mwiiyiye amalapo mwiiye saana,

Khaazi 28:31

awaatafusirelaka Ofwalume wa Nluku woominyalavo na woohiina hatha shaakha awaasomisaka monkoni wa Yinsa Al-Masiihu.

Khaazi 28:20

Khwa ethiito, kinveka yoori mwite mwittakhulane miiyo. Kimpattikhana kiri mmakwinjili, mwaasa wa nroromelo wa meezirayiilu.”

Khaazi 5:29

Aphano Pheeturu na maaswihaapa akina khulupa yoori: “Fweeyo nina yonshututela Nluku zayita atthu.

Yuuda 1:3

Aphetani aka, keeyaru pure wooshukulikhela owaatikhelani monkoni wa nusura niphakanyiyeeyo, koona yoori yaari ohithajiya owaatikhelani khwa wuutumerelani yoori muumane nkatthi wa amini swaafu moote khwa zooshi apweheliweeyo attakatthiifu.

Filimooni 1:10

apho kinuuvekela khwa zwaamu ya mwanaka Oneesimu, kimpatthiyeeyo nkalapooso.

Khaazi 21:33

Nttunkhulu otule khumwaattama Paawulu, khunkhola khuruma ofukaniwa makwinjili mawiri. Khuuzela yoori ti paani otu aya wala arettani?

2 Akorintiyu 3:12

Nakataalikha, wiiya ninaaye owejela opo, nithoonyeze nroromelo wa waatta.

Akoloosu 4:3

Mwinilompele fweeyo theenya, yoori Nluku anifukulele milako khwa hapari zawe, yoori niwahi olaleya siiri za Al-Masiihu, etthiipo kifukeliweeyo.

Filimooni 1:9

kinhithari oretta nkhuwo wa pheta. Miiyo, Paawulu, kooluvala na nasaapi eti theenya ki namafukiwa mwaasa wa Yinsa Al-Masiihu,