Ayeefezu 5:4 - Hapari Zooshapweya

⁴ Wala mwihisala mwipiya mwaasa wootakhala, mattakhuzi enu ahisala eeya ohifwayi ama oophuja epo zaya khiniweezani, mattakhuzi enu ana ya wiiya onshukhurwela Nluku.

Ayeefezu 5:4 Referans Kwoze

Akoloosu 3:8

Ila aphano mwanswi vitthu zaya epo zooshi: katapu, wiiphiiriwa, otakhala rooho, mattukhano, na mattakhuzi ootakhala a nkhanyo mweenu.

Ayeefezu 4:29

Nkhanyo mweenu lihilankhemo hatha nttakhuzi limote lootakhala, ila alankhemo mattakhuzi ooshapweya anwahaaye owaajeka azeenu khwa nanna enihithajiyaaye, yoori litane rehema vakatthi wa atthu apale ansiilaaye.

1 Atizaloonika 5:18

Mwishukhurwele wakhula enuupatthaanini, maana apo matakhelo a Nluku khwa mweeyo mwaasa wookusanyeya na Al-Masiihu Yinsa.

2 Pheeturu 2:18

Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

Meepereewu 13:15

Tiito, woohilikheleli khwa Yinsa, nlaweni nimwinkhe Nluku twaha ya omwiipela maliipo a siifwa, ziiyiyeeyo mishumo za milomo zintukhurwaaye nzina lawe.

Afiliipu 4:6

Mwihishukulikhele hatha etthu, ila mwinvekele Nluku khwa lompa na oveka yooshi etile mwinhithajiyaaye na rooho ya oshukhuru.

Yuuda 1:10

Ila apo aya antarawu yooshi etile ehiniweeleyaaye; na anretta vitthu nkhama nyama ehinuupuwelaaye, yo anretta eniwaatelaaye, mpakha vitthu zaya epo ziniwaatapanyeya.

2 Akorintiyu 9:15

Nininshukhurwela Nluku, khwa tthuvo yawe yootafikhana aninkhiyeeyo.

Maaruku 7:22

oraruwa, okhwiririwa, vitthu zootakhala, ohata, oralana woohiiyi wa halaali, nrima, waapa, ojoona na ololo.

Yuuda 1:13

Yo anuupuwa nkhama mawipi oowali a mpahari, asarulelaka oje maphovu a khaazi zaya zoopatthisa haaya, anuupuwa nkhama matthottowa oohiina tarikhi, apo aya athokoreliwa mileele yoori eeye puuro ya wiicha n'yiiza.

2 Akorintiyu 1:11

Mweeyo mwina ya onaawuni nkatthi wa lompa yoori atthu awaatta awahi oshukhurwela zwaamu yeetthu khwa parakha ninkhiweeyo mwaasa wa lompa zenu mooshi.

Arooma 1:28

Olikha toowo, moone yoori atarawu ojuwa wa Nluku, ye awaalikhela akhili zaya zoovonyeya, yoori arette vitthu zihinrettiwaazo.

2 Pheeturu 2:7

ila khunlikha Loothi, ntthu wa shariya aari oshukulikhaaye mwaasa wa mwentto wootakhala wa atthu aya apale.

Filimooni 1:8

Tiito, hatha nkhama weetta wiiya wootaphuliwa khwa Al-Masiihu yoori kuurume etthu ontakhaaye oretta,

1 Atizaloonika 3:9

Nannani ninwahaaye onshukhurwela Nluku khwa furaha yooshi niriinaaye omaasho wawe mwaasa wa mweeyo?

Ayeefezu 1:16

akinlikhelela onshukhurwela Nluku khwa mweeyo, na akinuusahawuni amana kilompaka.

Yaahaya 6:23

Elottelanaka, kalawa kiina za sitati ya Tiperiyaati khufiya kharipu ya aphale atthu aari orafunaavo phaawu wakathi Mbwana Yinsa ashukhurweliyeevo.