Ayeefezu 5:18 - Hapari Zooshapweya

¹⁸ Mwihinywe viinyu. Ohapaliwa ontotha pala, ila mwilikhe Rooho Ttakatthiifu ewiitaaleni.

Ayeefezu 5:18 Referans Kwoze

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

Luuka 1:15

maana ye onteela wiiya nwulweene mmakhono wa Mbwana. Khanteela onywa viinyu wala onywa vitthu zoohapala. Onttela wiiya wa wiitaazaniwa Rooho Ttakatthiifu ari mwiirukulu wa mamaawe.

1 Akorintiyu 5:11

Ila nasaapi kiniwaatikhelani yoori mwihiiye wookusanyeya na wakhula otule anjilupezaaye wiiya ttwi, ila arettaka khaapa twayifu, namakhwiririwa, namwaaputu sanamu, mmwanomwaano, nanhapaliwa ama nantarawu. Atthu aya apo wala mweeyo mwihijane.

Khaazi 11:24

Baranabe aari ntthu nkemaani wawiitaala Rooho Ttakatthiifu na amini. Atthu awaatta khusala ajikusanya na Mbwana.

1 Atizaloonika 5:7

Maana apale anlalaaye, anlala osikhu, na apale anhapaliwaaye, anhapaliwa osikhu.

Luuka 12:45

Ila karumeya otule amana eeya wootakhala rooho, ajilupezaka mweenyewe yoori: ‘Mbwanaaka ontta orupaza,’ khusala awaapiya akarumeya apale akina aakha na aalume, ajaka, anywaka na ahapaliwaka,

Luuka 11:13

Nkhama mweeyo, mweeya ru pure ootakhala rooho, mwinjuwa owenkha aaneenu vitthu zooshapweya, sapiseni Paapa wa pinkuuni khanziti owenkha Rooho Ttakatthiifu apale aninvekelaaye?”

1 Akorintiyu 6:10

wala manantarawu, asokho, ananhapaliwa, amwanomwaano wala anamattettekha khanteela orithi ofwalume wa Nluku.

Tiitu 1:6

Nttunkhulu aya oto ona ya wiiya ntthu woohiina paathuli, nlume wa muukha mmote paasi na eeyane aana awaamineya oohiretti vitthu zootakhala ama okhijili.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

1 Akorintiyu 11:21

Maana, wakhula ntthu onja etthu yoojiwa yawe otthwe woohinweji nzaawe. Etthiipo, akina entta owaakhola jala, akina antta ohapaliwa.

Mwanzo 9:21

Siikhu moote, khunywa viinyu ya nshumo opule, khunhapala khuvuleya kuwo zawe zooshi nheema mwawe.

Matewuzhu 23:25

“Olaanikha pi weenu mweeyo, anamanozela a kano na mafwarizeewu, manaafikhi, maana mweeyo mwinoosa pilawuri na parathu oje waya, ila nkatthi mweenu weetaalamo wiiya na omaashokopho.

Matewuzhu 24:49

na khusala awaapiya ashirikhaawe na oja na onywa na ananhapaliwa,

Yaahaya 2:10

araka: “Atthu ooshi azowerela owenkha atthu viinyu ya mwanzo anamalaleyiwa, amana anywa ewaatosha phi mwiniwenkhaavo viinyu yoohafwiifweya, ila weeyo nalelo wapweha viinyu yooshapweya mpakha apha.”