Ayeefezu 5:17 - Hapari Zooshapweya

¹⁷ Nakataalikha mwihiiye alolo, mweekese ojuwa niiya ya Nluku.

Ayeefezu 5:17 Referans Kwoze

Arooma 12:2

Mwihijilipisane menttezi a olumwenku opu, ila mwizukuliseye khwa ozukuluwa wa akhili zenu, yoori mwiiyane makhaamu aweezelela na wootela yooshapweya, otuva na khaamili niiya ya Nluku.

1 Atizaloonika 5:18

Mwishukhurwele wakhula enuupatthaanini, maana apo matakhelo a Nluku khwa mweeyo mwaasa wookusanyeya na Al-Masiihu Yinsa.

Akoloosu 1:9

Khwa ethiito, thanku siikhu nisiiliyeeyo, khanilikheleleeni wulompelani mweeyo na oveka yoori mwiiye awiitaala ojuwa wooshi wa niiya ya Nluku, na akhili zooshi na weeleyiwa wa nroho.

Ayeefezu 5:15

Mwiiyane phoole na menttezi enu, mwihiikhale nkhama alolo, ila mwiikhale nkhama anaakhili,

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

Akoloosu 4:5

Mwiiye a akhili khwa menttezi enu khwa atthu apale a oje; nrumeyele channu wakhula kiphenyo mwimpatthaaye.

Yaahaya 7:17

Amana ntthu ajilakelela oretta matakhelo a Nluku, ontta osophela nkhama osomisa waka onlankha wa Nluku ama kinjilupa kimweenyewe.