Ayeefezu 4:21 - Hapari Zooshapweya

²¹ nkhama khweele mwasiila alupiwaka na khusomisiwa khwa haakhi eriiyeeyo wa Yinsa.

Ayeefezu 4:21 Referans Kwoze

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

Ayeefezu 1:13

Wakathi mweeyo mwisiiliyeeyo na khukhupalela nttakhuzi la haakhi, hapari zooshapweya ziwuusuriyeenini, mweeyo mwamatthaniwa khwa Al-Masiihu Rooho Ttakatthiifu etile ye ahitiyeeyo.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

Yaahaya 14:17

Rooho ya haakhi, atthu a voolumwenku ahinttelaaye opokhera, maana, khanteela woona na wala khanjuwa. Ila mweeyo mwinjuwa, maana Yo eniikhala nkatthi mweenu na enttela wiiya na mweeyo.

2 Akorintiyu 11:10

Ti ya olikana nkhama khweele ya Al-Masiihu eri khwa miiyo; tiito, khina mmote wa nti wa Akaaya anttelaaye okikhattaza ojishashawula waya opo.

2 Akorintiyu 1:20

Maana ahiti ziriivo zooshi za Nluku, ziri khwa Yinsa pi za “aaa”. Tiito khwa vakatthi vawe ye, ninlupa yoori “Amiina”, khwa siifwa ya Nluku.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 10:27

Pwittipwitthi zaka ensiila huula yaka na miiyo kinjuwa na zinikilotta.

Yaahaya 1:17

Maana kano zatiisiwa khwa vakatthi wa Munsa; rehema na haakhi yata khwa Yinsa Al-Masiihu.

Luuka 10:16

“Otule anuusiilezaanini, onikisiileza miiyo; otule anuukatthalaanini, onikikatthala miiyo. Otule anikikatthalaaye, oninkatthala otule akirumiyeeyo.”

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Arooma 10:14

Nannani anttelaaye onkhuwela otule ahinkhupaleeni? Na anttela onkhupali toovi otule ahinasiile hatha etthu monkoni wa ye? Na anteela osiila toovi ahipuweeni ntthu wa owaatafusirela?

Ayeefezu 2:17

Etthiipo Yinsa khuta khulaleya hapari za heeri khwa mweeyo mooshi mwaari peetiwene na Nluku na heeri theenya khwa apale aari kharipu na Nluku.

Akoloosu 1:5

mwaasa wa nroromelo mwipweheliweeyo pinkuuni. Otthuupo mweeyo mwisiiliyeeyo khwa nttakhuzi la haakhi, hapari zooshapweya

Akoloosu 1:6

zuufiyeliyeenini mweeyo. Hapari zooshapweya mwipwekhereliyeeyo eniima mishumo na emwazeyele olumwenku wooshi. Etthiipo erettikhaniyeezo khwa mweeyo, thanku siikhu mwisiiliyeeyo elupiwaka monkoni wa rehema ya Nluku na mwajuwa wa khweelevo.