Ayeefezu 4:18 - Hapari Zooshapweya

¹⁸ Weeleyiwa waya wattiyeleleya na ophakuwanana ohaayi wa Nluku mwaasa wookhijili ariinaayo khwa ozivala wa rooho zaya.

Ayeefezu 4:18 Referans Kwoze

Matewuzhu 13:15

Maana rooho za atthu apa piza okhijili, attiyela mashiilo aya na khuphunya maasho aya, eriwaka khayaari ethiito, aari owahi woona na maasho aya, na osiila na mashiilo aya na oweeleya va rooho vaya khurutela mmakhono mwaka, keetta owaavonisa.’

Ayeefezu 2:12

Muupuwele theenya yoori wakathi aya opule mwaattuwananiye Al-Masiihu, mwaari ophakuwanana khuntti ya meezirayiilu, mwaari ootaraweliwa ahiti ya osiilana, khamwaarina nroromelo wala Nluku muulumwenku.

Yaahaya 12:40

“Oola maasho aya na oomisa rooho zaya, yoori ahoone na maasho aya, na ehiweeleye nroho mwaya, wala ahikhupali, na miiyo kiwaavonise.”

1 Atizaloonika 4:5

Mwihijilikhelele mwishinttiwaka pi tuvela zootakhala, nkhama amalapo ahininjuwaaye Nluku.

Tiyaaku 4:4

Atthu oohaamineyi, khamwinjuwa yoori oshirikha na olumwenku oniiya wuumani khwa Nluku? Otule antakhaaye wiiya swaahipu na olumwenku onjiretta wiiya atuwi wa Nluku.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Akoloosu 1:21

Raku mweeyo mwaari oophakuwanana Nluku, na mwaakhili mweenu mwaari maatuwi mwaasa wa menttezi enu ootakhala.

1 Yaahaya 2:11

Ila otule aniiphiiriwaaye ti ttwiiye, oto aya nalelo ori n'yiiza na oneettetta n'yiiza, khanjuwa ohali aneettaawo, maana yiiza yoomisa maasho awe.

Akaalata 4:8

Ila wakathi mwaari mwihinanjuwe Nluku, mwaari aviitthwaana a miluku epile khwa ephattu zihiiyeeni miluku.

Arooma 11:25

Attwiizaku, akintakha yoori mwihijali siiri epi zootikinisa, mwihijoone nkhama ajuwi. Meezirayiilu eezelela wuumisa rooho zaya, mpakha ofiyela olikana wa amalapo.

Arooma 1:28

Olikha toowo, moone yoori atarawu ojuwa wa Nluku, ye awaalikhela akhili zaya zoovonyeya, yoori arette vitthu zihinrettiwaazo.

Khaazi 17:30

Raku, Nluku khazaari onjali vitthu zaya epo, ila aphano alupa yoori atthu a phantte zooshi athupwiye.

1 Akorintiyu 1:21

Maana, nkatthi wa shawuri za Nluku, anaatamu khajuweeni khwa akhili za onaatamu, Nluku yantuvela owoosuru apale ankhupalaaye khwa ololo wa tafusiiri.

Arooma 2:19

Weeyo onjuwa yoori khweele oniweettettisa ananhooni, nuuru ya apale aariiye n'yiiza,

Maaruku 3:5

Yinsa khusala aweekesa ari wookatipukha na khuhituveliwi mwaasa wa wuuma rooho zaya na khumuuza mwinyi otule yoori: “Wookole nkhono awo.” Ye khookola nkhono awe na khwiiya woovonisiwa.

2 Akorintiyu 3:14

Weekhweele akhili zaya zaari zoofukeya, mpakha leelo nshukwi laya nttho lapharelela amana osomiwaka osiilana wa raku. Khalaalaziwevo, maana khwa Al-Masiihu paasi ti linlazeyaavo.

Khaazi 3:17

“Aphano attwiizaku, miiyo kajuwa yoori mwaarettiye hatha mwihijuwaka na anamalokozela enu.

Arooma 11:7

Apho kilupe niini? Ezirayiilu khapattheene etile aari weekesaaye, ila anamathawuliwa apattha. Akina zoomisiwa rooho zaya,

1 Akorintiyu 2:8

Hatha namawahi mmote a wakathi opu emweleyiyeeyo; maana eriwaka zeettiye omweleya, ahinkhomeleeni Mbwana wa Siifwa.

Ayeefezu 2:1

Mweeyo mwaafwiiye mwaasa wa koosa zenu na twampi zenu.

Meepereewu 5:2

Ye onwahi owaavilela ooshi apale ohiina ojuwa na anjaashikhisaaye, maana naye mweenyeweene ontteettheya.

Meepereewu 9:7

Ila haakhimu nwulu wa tiini paasi ti aari ofiyaaye puuro Ttakatthiifu ya Attakatthiifu, wakhula mwaakha swaafu moote, na khaari ofiyawo aheettelaka winkhelela taamu ya nyama khwa twaha ya twampi zawe mweenyewe na twampi zoorettiwa pi atthu mwaasa woohijaliwi.

1 Pheeturu 1:14

Nkhama aana oshututi, mwihijilipisane tuvela zootakhala za raku, za wakathi opule mwaari wiikhalaaye woohijaliwi.