Ayeefezu 4:17 - Hapari Zooshapweya

¹⁷ Na kiniwuuzani khwa nzina la Mbwana yoori: mwihiiye nkhama amalapo, maana wuupuwela waya khuna fwayita.

Ayeefezu 4:17 Referans Kwoze

Arooma 1:21

Maana yo anjuwa Nluku, ila khuhimwinkhi siifwa ansuhaaye na khuhinshukhurweli, ila wuupuwela waya waretteya wiiya woohiina fwayita na rooho zaya zoololo zariipa.

2 Pheeturu 2:18

Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

Akoloosu 2:4

Miiyo kiniwuuzani epo yoori ahiiyevo antakhaaye wuuhatani na mattakhuzi olattanana oshapweya.

1 Pheeturu 1:18

Maana mweeyo mwinjuwa yoori khahiyo khwa vitthu ziniishaaye, nkhama feeta ama weero, mwikaphuleliweeyo khwa ohaayi opule woohiina fwayita mwaavalisiweeyo ti amarehemu apapazenu,

Khaazi 20:21

Kiwaatafusirelaka venkivene mayaahuuti mpakha akereeku yoori ankhupali Nluku athupwiye na amwaamini Mbwana eetthu Yinsa.

Khaazi 18:5

Wakathi Siila na Timootiyu eeshukheliyeevo Masetooniya, Paawulu khujinkha khwa olaza nttakhuzi, alawelaka oshaahiti khwa mayaahuuti yoori Yinsa ti Al-Masiihu.

Khaazi 14:15

araka: “Mweeyo, niini epi zaya mwinrettaazo? Fweeyo na anaatamu nkhama mweeyo. Ila nootiseliyeni hapari zooshapweya, zinlupaaye yoori mwilikhe oretta vitthu zoohiina maana mwirutela olottela mwentto wa Nluku wa ohaayi, otule ompiyeeyo pinku na vathi, pahari na vitthu zooshi ziriiye va olumwenku.

2 Timootiyu 4:1

Omaasho wa Nluku na wa Yinsa Al-Masiihu, anteelaaye owaaphuka atthu awoona na ananfwa, khwa ojithoonyeza wawe na ofwalume awe, miiyo kinuutumerela toono:

1 Timootiyu 6:13

Aphano, mmakhono wa Nluku otule aninkhaaye ohaayi zumpe zooshi, na mmakhono wa Yinsa Al-Masiihu, otule alaziyeeyo oshaahiti wooshapweya wa tukhuru omaasho wa Ponsiyu Pilaatu, miiyo kinuuruma weeyo,

1 Timootiyu 5:21

Miiyo kiniwuuza kuulipiselaka channu mmakhono wa Nluku na Yinsa Al-Masiihu na malayikha apale oothawaziwa, kuutumerelaka yoori mattakhuzi apa oshututele, ohiinanelaka wala ohinthawulaka hatha ntthu.

1 Atizaloonika 4:6

Khwa vitthu zaya epo, ahiiyevo animoonisaaye olwaaza ttwiiye wala ahinttettekhe. Mbwana onteela ohukhumu zoorettiwa zaya epo, nkhama etthiipo naalupiyeezo na khuuchimulelani.

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Ayeefezu 1:22

Nluku attha vitthu zooshi wiiya vathi wa moolu awe na khumwinkha wiiya eeswa ya vitthu zooshi za ojama wa Nluku.

Akaalata 5:3

Kintukhuru opheya yoori, alume ooshi wakhula otule anttelaaye ojilikhelela khukhiriyisiwa ona shuruthi ya oshututela kano zooshi.

Akaalata 3:17

Etthu kinlupaaye tiiti: Nluku omwanzo aretta osiilana. Kano, zitisiweeyo khwa nyaakha miiya nne na talaathiini, nyumani, khazinwahi ofuja osiilana na khulikha ehina fwayita ahiti ya Nluku.

2 Akorintiyu 9:6

Muupuwele epo zaya: otule anzalaaye vattitthiiru, onuurula vattitthiiru, na otule anzalaaye yawaatta, onuurula yawaatta.

1 Akorintiyu 15:50

Attwiizaku, miiyo kiniwuuzani mweeyo yoori mwiili na taamu khinwahi orithi ofwalume wa Nluku na etile enfwaaye khinrithi etile ehinfwaaye.

1 Akorintiyu 1:12

Khwa etthiipo, kintakha kilupe yoori akina a mweeyo anri: “Miiyo ki wa Paawulu”, “Miiyo ki wa Apoolu”, “Miiyo ki wa Pheeturu”, ama nalelo “Ki wa Al-Masiihu.”

Khaazi 2:40

Khwa mattakhuzi menkeene Pheeturu khusala alaza oshaahiti eekesaka yoori awaashintte araka: “Mwijuusuru vakatthi wa atthu apa ootakhala rooho.”

Luuka 16:28

kinaaye attwiizaku athaanu, alawe awooze yoori ahite okhuno kiriiwo wa ohoowiwawo.’