Ayeefezu 4:12 - Hapari Zooshapweya

¹² awaattalelelaka attakatthiifu khaazi ya Mbwana, yoori mwiili wa Al-Masiihu ojekeye.

Ayeefezu 4:12 Referans Kwoze

Ayeefezu 4:16

Ye ti arettisiyeeyo yoori mwiili wiiye wookusanyeya saaneene, na phantte zooshi zipharaane khwa okusanyiwa vamote. Na khwa etthiipo, wakhula phantte ekholaka khaazi yooshapweya, na mwiili wooshi onwula na onjitaphula nkatthi wa pheta.

1 Akorintiyu 12:27

Maana, mweeyo mwa mwiili wa Al-Masiihu, wakhula mmote wa mweeyo, kifunko ya mwiili otthuupo.

Arooma 15:14

Attwiizaku, miiyo ena kinkhupalela yoori mweeyo mweetaala emaani saaneene na onozeleya, mwina makhaamu a olakana mmote na nzeenu.

1 Akorintiyu 14:26

Nakataalikha, niri je attwiizaku? Amana mweeyo mwikusanyeya, wakhula mmote wa mweeyo eeyane liipo la zaapuura moote, ama nttakhuzi la onozela, othoonyeziwa, ama nttakhuzi la luuka pheeya ama otaphulela. Zooshi zirettikhane khwa ojeka ojama wa Nluku.

Arooma 14:19

Tiito, nijilipise weekesa zooshi entanaaye heeri na okhomaazana mmote na nzeetthu.

1 Timootiyu 1:12

Yinsa Al-Masiihu Mbwana eetthu akinkhiyeeyo kuvu, Ye akoona wiiya ntthu wa waamineya, khukinkha onrumeeyela, kininshukhurwela.

1 Akorintiyu 14:12

Enrettikhana etthiipo khwa mweeyo. Maana mwinshukulikhela opattha tthuvo za nroho, mweekese okhomaala khwa epile entiisaaye ojeka ojama wa Nluku.

Meepereewu 13:17

Mwiwaashututele atthu apale oolokozeliyeenini na mwiwaashirehezele khwa ofwalume aya, maana yo aniwiinanelani mweeyo nkhama atthu anttelaaye ojipu khwa khaazi yenu mweeyo wa Nluku. Mwiwaashututele, yoori khaazi zaya ziiye furaha na ehiiye etthu yoolemela, maana toowo khayaari wiiya etthu ya fwayita khwa mweeyo.

Meepereewu 6:1

Nakataalikha, nilikhe masomi apale amwanzo monkoni wa Al-Masiihu na neettele okhomaala, woohiruteli opheya nchina la othupwiya khwa khaazi ennilokozaaye muufwa, na theenya niiya ya omwaamini Nluku.

2 Akorintiyu 6:3

Khanintakha onkhwakhwattula ntthu, yoori khaazi yeetthu ehitaraweye.

2 Akorintiyu 5:18

Zooshi epo zinlankha wa Nluku, anisilanisiyeeyo mweenyeweene khwa Al-Masiihu, na aninkha khaazi ya osiilanisa,

Luuka 22:32

Ila miiyo koolompela yoori amini yawo ehizime. Amana orutela wiiya vamote na miiyo, owaalipisele azaawo.”

2 Timootiyu 4:5

Ila weeyo ojithuze khwa wakhula etthu, ovilele ohoowa, okhole khaazi ya onamalaleya okhole sawasawa khaazi Nluku awinkhiyeeyo.

Akoloosu 4:17

Mwimuuze Athipu yoori: “Eeyane phoole khwa weettettisa khaazi mwipwekhereliyeeyo khwa Mbwana.”

Akoloosu 1:28

Khwa etthiipo fweeyo nininlaleya, nitumerelaka na ninsomisaka wakhula ntthu na akhili zooshi, yoori nawaathonyeze atthu ooshi ari ookamilikha khwa Al-Masiihu.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

Ayeefezu 1:23

Ojama wa Nluku mwiili wa Al-Masiihu, weetaazaniwa Al-Masiihu, othuuto anniitazaaye vitthu zooshi khwa phantte zooshi.

2 Akorintiyu 12:19

Mweeyo mwinoona yoori khwa wakathi opu wooshi nintta ojaakisa khwa mweeyo? Ninttakhula omaasho wa Nluku nkhama atthu niri khwa Al-Masiihu, na zooshi ninrettaaye aphetani, ti yoori nuukhomaazeni.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

2 Akorintiyu 4:1

Nakataalikha, nihitteettheye maana ninaaye khaazi eti ninkhiweeyo khwa tthakaraka.

2 Akorintiyu 3:8

Khintepa khaazi ya Rooho ttakatthiifu wiiya yoosifwiwa channu?

1 Akorintiyu 14:14

Maana, nkhama kinlompa khwa luuka pheeya, rooho yaka ti enlompaaye, ila weeleyiwa waka oniiya woohiina hatha etthu.

Arooma 15:29

Kajuwa yoori, amana kita wuuthotolani, kinlawa kiri woolikana na parakha zawaatta za Al-Masiihu.

Arooma 15:2

Wakhula mmote wa fweeyo ona ya ontuvelisa nzaawe khwa saana yawe, yoori ankhomaaze.

Arooma 12:7

Nkhama tthuvo yawo ti ya orumeya, orumeye; nkhama ti ya osomisa, osomise;

Khaazi 20:28

Mweettette saana na mwitthantte khuntti etile Rooho Ttakatthiifu awinkhiyeenini otthantta, yoori mwiiye attunkhulu awulu a ojama wa Nluku, otthuupo ye oozanyiyeeyo na taamu yawe.

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

Khaazi 11:23

Noofiya khoona rehema ya Nluku, khwiiya woofurahi na khuwaalipisela yoori eeye ookhomaala mmakhono wa Mbwana na rooho yaya yooshi.

Khaazi 9:31

Siikhu zaya epo ojama wa Nluku waari wa heeri nti wooshi wa Yudeya, Kalileya na Samariiya, waari wookhomaala na wiikhala woomoova Mbwana alipiseliwaka ti Rooho Ttakatthiifu, atthu khusala eekezeleya.

Khaazi 1:25

yoori akhole khaazi ya owaaswihaapa vamote na fweeyo, eti Yuuda alikhiyeeyo khweetta puuro yaari onsuhaaye.”

Khaazi 1:17

Yuuda aya oto aari wa khuntti yeetthu, aari oretta phantte ya khaazi ethiiti.”

2 Timootiyu 4:11

Luuka paasi ti kiriinaaye. Otaaka ontane Maaruku, maana ona fwayita khwa miiyo nkatthi wa khaazi eti.

Ayeefezu 4:29

Nkhanyo mweenu lihilankhemo hatha nttakhuzi limote lootakhala, ila alankhemo mattakhuzi ooshapweya anwahaaye owaajeka azeenu khwa nanna enihithajiyaaye, yoori litane rehema vakatthi wa atthu apale ansiilaaye.

Ayeefezu 4:4

Mwiili mmote paasi na Rooho Ttakatthiifu eri moote paasi, nkhama etthiipo mwikhuweliweeyo khwa nroromelo mmote.

2 Akorintiyu 13:9

Niniiya woofurahi wakhula wakathi nintteettheyaavo na mweeyo mwiniiya wookhomaala na lompa zeetthu pi za yoori mweeyo mwiiye oohakikhiwa.

1 Akorintiyu 12:7

Nakataalikha, wakhula mmote oninkhiwa ojithoonyeza wa Rooho khwa saana ya atthu ooshi.

Arooma 12:5

Etthiipo theenya fweeyo niiyiyeeyo awaatta, naretteya wiiya mwiili mmote khwa Al-Masiihu, na wakhula phantte yaluttana na phantte kiina zaya zooshi.

2 Akorintiyu 13:11

Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.