Ayeefezu 3:10 - Hapari Zooshapweya

¹⁰ Aari otakha yoori khwa ojama wa Nluku, othoonyeze akhili khuluzeene khwa nanna yoofwarikhana ariina Nluku vakatthi wa afwalume na owahi wa pinkuuni,

Ayeefezu 3:10 Referans Kwoze

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

Ayeefezu 6:12

Maana viittha yeetthu fweeyo khahi khwa atthu, ila ninuumanana owahi na ofwalume, ninuumanana owahi onshinttaaye olumwenku wa yiiza na kuvu za rooho zootakhala khwa puuro za pinkuuni.

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

Arooma 11:33

Oo wiicha wa maali na akhili za ojuwa wa Nluku! Woovitheya pi olakela wawe na zooheeleyi tarikhi zawe!

Ayeefezu 1:21

Ye ori vatulu wa alokozi ooshi, wa afwalume, owahi na oshintta khwa mazina ooshi, khahiyo nasaapi eti paasi mpakha okhu ninttaawo.

Ayeefezu 1:3

Attitthimisiwe Nluku Paapa wa Mbwana eetthu Yinsa Al-Masiihu, aniparikhaniyeeyo nasipu zooshi za parakha za nroho za pinkuuni khwa Al-Masiihu.

1 Akorintiyu 1:24

ila khwa apale akhuweliweeyo, waaza mayaahuuti mpakha akereeku, Al-Masiihu owahi wa Nluku na akhili za Nluku.

1 Pheeturu 3:22

aweliyeeyo pinkuuni na ori nkhono nlume wa Nluku; ye onlokozela malayikha, ofwalume na owahi wooshi.

Akoloosu 1:16

Maana khwa ye zompiwa vitthu zooshi, pinkuuni na vathi, za wooneya na zoohooneyi, waaza khukulu, yenzi, owahi ama ofwalume; zooshi zompiwa khwa ye na pi za awe.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

Ayeefezu 1:8

epile aniittheleliyeeyo fweeyo venkivene khwa ojuwa na akhili zawe zooshi.

Arooma 8:38

Maana miiyo kinkhupalela saaneene yoori wala ofwa, ama ohaayi, wala malayikha, wala sheethwani, wala vitthu za nasaapi wala zintaazo wala hatha owahi,

Ayeefezu 1:23

Ojama wa Nluku mwiili wa Al-Masiihu, weetaazaniwa Al-Masiihu, othuuto anniitazaaye vitthu zooshi khwa phantte zooshi.

Akoloosu 2:10

mwaasa wa wiiya khwa ye, eeyiyeeyo eeshwa ya owahi wooshi na ofwalume, mweeyo mwapattha okhamilikha khwa zooshi.

Akoloosu 2:15

na paata ya oshintta owahi na ofwalume, khuretta nsapo vamwanttiwa, ashinttaka khwa epo zaya vansalapa.