Ayeefezu 2:2 - Hapari Zooshapweya

² Etthiipo mwaazowereliyeezo, wakathi mwaari olottelaaye oruma wa olumwenku na owahi wa ofwalume wa rooho ya etulutulu yiiyiyeeyo sheethwani, rooho ethiito eniweettettisaaye apale aniikhalaaye muukhijili.

Ayeefezu 2:2 Referans Kwoze

Ayeefezu 6:12

Maana viittha yeetthu fweeyo khahi khwa atthu, ila ninuumanana owahi na ofwalume, ninuumanana owahi onshinttaaye olumwenku wa yiiza na kuvu za rooho zootakhala khwa puuro za pinkuuni.

1 Yaahaya 5:19

Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

Ayeefezu 2:3

Raku fooshi fweeyo naari wiikhala nkhama atthaapo, nirettaka niiya za onaatamu etthu, nilottelaka tuvela zaya na wuupuwela waya. Nkhama akinoko aya, naari atthu yaari onisuhaaye katapu ya Nluku.

Yaahaya 12:31

Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

Ayeefezu 5:6

Ahiiyevo hatha ntthu mmote antakhaaye wuuttettekhani na mattakhuzi ohiivo, maana pi mattakhuzi atthaapo antanaaye katapu ya Nluku khwa apale aniikhalaaye muukhijili.

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

1 Akorintiyu 6:11

Akinoko a mweeyo mwaari etthiipo, ila moosiwa, mwattakatthisiwa, mwahakikhiwa khwa nzina la Mbwana Yinsa Al-Masiihu na khwa rooho ya Nluku eetthu.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

1 Yaahaya 5:4

Maana ooshi apale avokoliweeyo ti Nluku ashintta olumwenku. Na opu pi oshintta olumwenku: amini yeetthu.

1 Yaahaya 3:10

Etthiipo phi anjuweyaavo apale eeyiye aana a Nluku na apale eeyiye aana a sheethwani: otule ahineettettisaaye shariya oto khahi wa Nluku na otule ahinimphetaaye ttwiiye pi etthiipo.

1 Pheeturu 1:14

Nkhama aana oshututi, mwihijilipisane tuvela zootakhala za raku, za wakathi opule mwaari wiikhalaaye woohijaliwi.

Othoonyeziwa 20:2

Ye khukhola jahanamu, nyookha etile ya raku yiiyiyeeyo Epiliisi, Sheethwani, na khunfukana likwinjili nyaakha alufu,

1 Yaahaya 4:4

Aanaaka, mweeyo mwa atthu a Nluku, na mwiniwaashintta manapiyu apale oojipanka, maana wooziti ti otule ariiye khwa mweeyo zayita otule ariiye voolumwenku.

1 Pheeturu 4:3

Maana raku mwaharipu wakathi mwinkeene mwirettaka epile eniwaatuvelaaye makaafiri. Wakathi aya opule mwaari wiikhala nkatthi wa khaapa twayifu, tuvela za onaatamu, ohapaliwa, osokho, majampo ohapaliwiwa na waaputu sanamu.

Akoloosu 1:21

Raku mweeyo mwaari oophakuwanana Nluku, na mwaakhili mweenu mwaari maatuwi mwaasa wa menttezi enu ootakhala.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

Arooma 12:2

Mwihijilipisane menttezi a olumwenku opu, ila mwizukuliseye khwa ozukuluwa wa akhili zenu, yoori mwiiyane makhaamu aweezelela na wootela yooshapweya, otuva na khaamili niiya ya Nluku.

Tiyaaku 4:4

Atthu oohaamineyi, khamwinjuwa yoori oshirikha na olumwenku oniiya wuumani khwa Nluku? Otule antakhaaye wiiya swaahipu na olumwenku onjiretta wiiya atuwi wa Nluku.

1 Akorintiyu 5:10

Khwa etthiipo akiniwaalupa apale anrettaaye khaapa twayifu a voolumwenku apha, wala anamakhwiririwa, manantarawu ama apale anaaputwaaye sanamu. Eriwaka yaari etthiipo, mweeyo mwaari ohithajiya olaavo va olumwenku apha.

Khaazi 5:3

Aphano Pheeturu khumuuzela Ananiiya yoori: “Wamwiitaazelani epiliisi nroho mwawo, khuufiyelelisa ohata Rooho Ttakatthiifu mwaasa woovitha nzurukhu wuuzanyisiyeeyo nshapa lawo?

Yaahaya 15:19

Eriwaka mweeyo mwaari atthu a voolumwenku, yo aari otuveliwa ti mweeyo mwaasa wa wiiya aya. Nakataalikha mweeyo khahi mwa atthu a olumwenku, ila miiyo koothawulani khulazani vakatthi wa atthu a olumwenku. Tiito atthu a olumwenku aniiphiiriwaaye ti mweeyo.

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

2 Pheeturu 2:14

Mmaasho mwaya weetaalamo oraruwa, khanlikha theenya oretta twampi, aniwaattettekha apale oottettheya, anaaye rooho ya weettettisa omaashokopho. Atthu oolanikha!

Yaahaya 16:11

khwa ophuka, maana mfwalume wa voolumwenku apha aphukiwa.

Yaahaya 13:27

Paata ya Yuuda orafuna phaawu etile, epiliisi eetta omweetta. Yinsa khumuuza yoori: “Etthu ontakhaaye oretta, orette nasaapi.”

Yaahaya 13:2

Wakathi wa etthu yoojiwa ya osikhu, Sheethwani aarettiye ahatiye rooho ya Yuuda Eshikariyoote mwaana wa Simawu, yoori anzinkule Yinsa.

Yaahaya 8:23

Yinsa khurutela olupa theenya yoori: “Mweeyo mwa atthu a vathi attaapha; miiyo ki wa otulu. Mweeyo mwa voolumwenku; ila miiyo aki wa voolumwenku.

Yaahaya 7:7

Olumwenku khunwahi wiiphiiriwa ti mweeyo, ila oniiphiiriwa ti miiyo, maana miiyo kininkha oshaahiti wa yoori khaazi zaya pi zootakhala.

Matewuzhu 13:38

Nshapa olumwenku, peewu yooshapweya aana a muufwalume. Ntakatakha aana a sheethwani.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Tiyaaku 1:7

Ntthu oto ahaakanyere yoori ompwekhera etthu mmakhono wa Mbwana.

2 Timootiyu 4:10

Ila Teema akanswi eetta Tizaloonika mwaasa wa opheta olumwenku. Kereseti eetta Kalaasiya, Tiitu eetta Talamaasiya.

Khaazi 19:35

Namwaatikha wa nsitati nttumphule khuwaanyamaza atthu apale araka: “A eefezu, paani ahinjuwaaye yoori sitati ya Eefezu ti eneekeselaaye zaawiya ya Tiyaana, nluku nwulu, liwe likwiiyeeyo pinkuuni?

Luuka 22:31

“Simawu, Simawu, Epiliisi avekela yoori oopepetthe nkhama tiriku.

Luuka 16:8

“Aphano Mbwana awe khunttottopela namalokozela wa anakhaazi otule woohaamineyi mwaasa wa akhili epile aariinaazo. Miiyo kiniwuuzani yoori, atthu a voolumwenku apha ana akhili zawaatta mmenttezi mwaya zayita atthu apale aneettettaaye nnuuru.

Matewuzhu 11:19

Ata Mwaana wa Pinaatamu anjaaye na annywaaye, mwinri: ‘Otu nsokho na nnywachi, nshirikha wa anamariphisa lumpuru na anatwampi.’ Ila ojuwa onthoonyezeya khwa khaazi enikholeliwaaye.”

Othoonyeziwa 16:17

Nlayikha la saapa khwiitthela mphiko aya otulu, omwimpari khusiileya huula yoonyakula yaari olankhaaye va khukulu yaari oraaye: “Zarettikhana!”

Othoonyeziwa 13:14

Mwaasa wa alama enkhiweeyo ruhusa ya oretta khwa nzina la nyama yawoopisa etile ya mwanzo, ye awaahata apale aniikhalaaye va tuniya. Khuwaaruma yoori aattale ratarato khwa hishima ya nyama yawoopisa etile yaavulalisiweeyo na phanka na khwiiya haayi.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Matewuzhu 13:22

Etile yaakweliyeeyo va miiwa, pi apale ansiilaaye nttakhuzi, ila mwaasa wa tafwawuthi za ohaayi, na ottettekha wa maali entta owaakhupa, ahifiyelelaka wiima mishumo.

Maaruku 4:19

ila, amana ziwaapuwelelaka tafwawuthi za ohaayi, tuvela za maali na otakha kiina, vitthu zaya epo enshawa nttakhuzi na ahifiyelelaka wiima mishumo.

Ayeefezu 1:21

Ye ori vatulu wa alokozi ooshi, wa afwalume, owahi na oshintta khwa mazina ooshi, khahiyo nasaapi eti paasi mpakha okhu ninttaawo.

Ayeefezu 2:11

Nakataalikha, muupuwele yoori thanku ovokoliwa weenu mwaari amalapo, mwariwitthiwaaye ananhikhiriyi pi apale aari ojitthaaye anamakhiriya a mwiili, onrettiwaaye pi makhono eenaatamu.

Ayeefezu 2:13

Raku mwaari peetiwene na Nluku ila apha, khwa okusanyeya na Yinsa Al-Masiihu, mweeyo mwamwaattama khwa taamu ya Al-Masiihu.

Ayeefezu 4:17

Na kiniwuuzani khwa nzina la Mbwana yoori: mwihiiye nkhama amalapo, maana wuupuwela waya khuna fwayita.

Ayeefezu 5:8

Maana raku mwaari atthu a n'yiiza, ila aphano mwa nuuru khwa Mbwana. Meekhazi enu eeye nkhama aana a nnuuru.

Tiyaaku 1:27

Tiini Nluku Papeetthu ankhupalelaaye wiiya swaafi na yookhweele tiiti: owaathotola anasisa na ananfweliwa pi amanna zaya muuhoowa mwaya, na ojiinanela khwa vitthu zootakhala za muulumwenku.