Ayeefezu 1:7 - Hapari Zooshapweya

⁷ Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Ayeefezu 1:7 Referans Kwoze

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

Arooma 3:24

Ila ahakikhiwa mahala khwa rehema, ya nusura eriiye wa Yinsa Al-Masiihu,

Akoloosu 1:14

ye ti anikaphuliyeeyo, na khwa othuuto ti eswamihiweeyo twampi zeetthu.

Meepereewu 9:22

Weekhweele, nkhama etthiipo enlupaazo kano, vitthu zinkizene zintwahareshaniwa taamu; na woohiittikhi taamu khawiivo nswamaha wa twampi.

Matewuzhu 26:28

Eti taamu yaka ya wahati yiitthiweeyo khwa zwaamu ya atthu awaatta yoori eswaamiheliwe twampi.

Othoonyeziwa 5:9

Na yo khwiipa liipo lipheya araka: “Weeyo ti onsuhaaye opwekherela kithaapu na opharula viphariselo zaya, maana weettiye wuuliiwa, na khwa taamu yawo wamuuzanyela Nluku mahimo ojama wooshi, luuka, atthu na khapila.

1 Yaahaya 2:12

Miiyo kiniwaatikhelani mweeyo aanaaka, maana twampi zenu zaswaamihiwa, mwaasa wa rehema ya Yinsa.

Afiliipu 4:19

Nluku aka onteela owinkhani zooshi epile mwinhithajiyaaye muuthowiwa mweenu maali zawe za siifwa khwa Al-Masiihu Yinsa.

Ayeefezu 2:7

Yoori athoonyeze wakathi ontaaye, maali zihinlikananiwaaye za rehema zawe na athoonyezaka emaani yawe aarina na fweeyo khwa Yinsa Al-Masiihu.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

Ayeefezu 3:16

Yoori khwa maali za siifwa, awinkheni wiiya ookhomaaziwa nkatthi wa nroho mweenu na owahi wa kuvu wa Rooho Ttakatthiifu.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Arooma 2:4

Ama talili weeyo ontarawu maali za emaani yawe, ovilela na olevelela, ohijuwaka yoori okemaani wa Nluku onuulawana muuthupwiya?

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Khaazi 2:38

Pheeturu khuwaajipu araka: “Mwithupwiye na moosiwe wakhula mmote wa mweeyo khwa nzina la Yinsa Al-Masiihu yoori mwipatthe nswammaha wa twampi zenu, mwintta opokhera tthuvo ya Rooho Ttakatthiifu.

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.

Khaazi 20:28

Mweettette saana na mwitthantte khuntti etile Rooho Ttakatthiifu awinkhiyeenini otthantta, yoori mwiiye attunkhulu awulu a ojama wa Nluku, otthuupo ye oozanyiyeeyo na taamu yawe.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Khaazi 10:43

Hatha na manapiyu ooshi anlawela oshaahiti yoori wakhula otule aninkhupalaaye onswamihiwa twampi zawe khwa nzina lawe ye.”

Yaahaya 20:23

Amana mwiswaamihi twampi za ntthu, twampi zaya epo eniiya zooswamihiwa, ila amana mwihiswaamihi khazinswamihiwa.”

Maaruku 14:24

Khuwooza yoori: “Eti ti taamu yaka ya wahati yiitthiweeyo khwa zwaamu ya atthu ooshi.

Tiitu 3:6

Nluku aniitthelela Rooho Ttakatthiifu wooniphetavo, khwa Yinsa Al-Masiihu, Namuusuru eetthu.

1 Timootiyu 2:6

otu aleviyeeyo ohaayi awe khuripha hisapu za twampi za atthu ooshi, oshaahiti opu Nluku enkha wakathi khwaamili.

Akoloosu 2:13

Wakathi mweeyo mwafwiyeevo khwa twampi zenu na muuhikhiriyi wa mwiili enu, Nluku awinkhani ohaayi mpheya vamote na Al-Masiihu. Ye aniswaamihi koosa zeetthu zooshi,

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Ayeefezu 2:4

Ila mwaasa wa Nluku wiiya thaajiri wa tthakaraka na mwaasa wa pheta khuluyeene ariinaaye na-fweeyo,

Arooma 9:23

Kilupe niini, nkhama ye aretta epo yoori opatthe ojuwiwa othaajiri wa siifwa yawe khwa zoopo ya tthakaraka yawe, atthenkeziyeeyo raku zeene khwa ottitthima wawe.

Khaazi 3:19

Mwithupwiye mwirutele wa Nluku yoori twampi zenu ziiye za oswaamihiwa,

Luuka 24:47

na khwa nzina lawe onlawa walaleyiwe othupwiya yoori ziswaamihiwe twampi, waaza Yeruzaleemu mpakha khapila zooshi za va olumwenku.

Luuka 1:77

owaalaleyelaka atthu awe nusura entaaye khwa nswammaha wa twampi zaya,

Othoonyeziwa 14:4

Apa pi apale ahiwaasapeeni aakha, maana eenaneliye omwari aya. Apo pi apale anlottaaye Pwittipwitthi wakhula aphale enttaavo. Oozanyiweeyo vakatthi wa anaatamu, khwiiya nkhama zaakha ya mwanzo mmakhono wa Nluku na khwa Pwittipwitthi.

Ayeefezu 1:6

Khwa siifwa ya nuuru ya rehema yawe etile aninkhiyeeyo mahala khwa Mphetani awe.

Yuunusa 4:2

Ye khusala amuuza Nnyizinku araka: “Oo Nnyizinku, khahiyo eti khaalupiye nalelo kiri onti? Tithiito yaakipatthisiyeeyo otthira keettaka Taarisi. Miiyo kaajuwiye yoori weeyo o Nluku wa tthakaraka na wa huruma, woovilela na woopheta channu, onaahitaaye ohukhumu ila khulevelela amana wiiyavo othupwiya.

Matewuzhu 6:12

Oniswaamihi koosa zeetthu nkhama etthiipi fweeyo nininswaamihaaye wakhula otule annikosaaye,

Arooma 3:25

Nluku anvaha Yinsa nkhama twaha yoori eeye swamiima nkatthi wa amini, khwa taamu yawe, athoonyezaka shariya. Khwa ovilela, aalikhiye ohukhumu twampi epile zirettiweeyo raku;

Ayeefezu 1:8

epile aniittheleliyeeyo fweeyo venkivene khwa ojuwa na akhili zawe zooshi.

Ayeefezu 1:14

Ethiito ti yiiyiyeeyo nroromelo wa erathi yeetthu mpakha wookhowa sawasawa wa apale eeyiyeeyo a Nluku, khwa siifwa ya nuuru yawe.

Ayeefezu 1:18

kinveka yoori Nluku afukule rooho zenu yoori moone nuuru yawe na mwijuwe maali za siifwa yawe, nroromelo opule ookhuweleliyeenini. Theenya yoori mwijuwe nanna ziiyiyeezo zooshapweya parakha awaahitiyeeyo attakatthiifu awe,