Ayeefezu 1:18 - Hapari Zooshapweya

¹⁸ kinveka yoori Nluku afukule rooho zenu yoori moone nuuru yawe na mwijuwe maali za siifwa yawe, nroromelo opule ookhuweleliyeenini. Theenya yoori mwijuwe nanna ziiyiyeezo zooshapweya parakha awaahitiyeeyo attakatthiifu awe,

Ayeefezu 1:18 Referans Kwoze

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Luuka 24:45

Aphano Yinsa khuwaapatthisa fwahamu yoori ziweeleye Zawaatikhiwa Ttakatthiifu za nkithaapu.

Ayeefezu 1:7

Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Ayeefezu 5:8

Maana raku mwaari atthu a n'yiiza, ila aphano mwa nuuru khwa Mbwana. Meekhazi enu eeye nkhama aana a nnuuru.

Ayeefezu 3:16

Yoori khwa maali za siifwa, awinkheni wiiya ookhomaaziwa nkatthi wa nroho mweenu na owahi wa kuvu wa Rooho Ttakatthiifu.

Ayeefezu 4:4

Mwiili mmote paasi na Rooho Ttakatthiifu eri moote paasi, nkhama etthiipo mwikhuweliweeyo khwa nroromelo mmote.

Tiitu 3:7

Yoori niiye ohakikhiwa khwa rehema, niretteye onamarithi awe nirina nroromelo wa ohaayi wa mileele.

2 Atizaloonika 1:11

Niphelelezaka vitthu epi, ninlompa wakathi wooshi khwa mweeyo, yoori Nluku eetthu awinkheni osuhi wawe opule ookhuweleliyeenini, na khwa owahi arette zooshi za niiya na khaazi zooshi zinlankhaaye khwa amini.

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

1 Timootiyu 6:12

Wuumane viittha yooshapweya ya epaata, okholelele ohaayi wa mileele. Okhuweleliweeyo noolaza oshaahiti wooshapweya wa tukhuru yawo omaasho wa atthu a waatta.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Ayeefezu 1:11

Vitthu zooshi zarettiwa khwa shawuri na olakela wa Nluku. Khwa niiya na etile aatakhiyeeyo thanku omwanzo, Nluku anithawula yoori niiyane erathi ya okusanyeya weetthu khwa Al-Masiihu,

Meepereewu 10:32

Mwifikhiri siikhu epile za mwanzo paata ya mweeyo omwasikheliwa, mwavilela viittha zawaatta na ohoowa mwinkeene.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Tiitu 2:13

naahirishaka nroromelo wooshapweya na othoonyeziwa wa siifwa ya Nluku nwulu na Namuusuru Yinsa Al-Masiihu.

2 Atizaloonika 2:16

Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,

1 Atizaloonika 5:8

Olikha toowo, fweeyo niiyiyeeyo a nthana, niiye woojipayini, niwale amini na pheta nkhama jaketa na nroromelo wa nusura nkhama koofiya.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Matewuzhu 13:15

Maana rooho za atthu apa piza okhijili, attiyela mashiilo aya na khuphunya maasho aya, eriwaka khayaari ethiito, aari owahi woona na maasho aya, na osiila na mashiilo aya na oweeleya va rooho vaya khurutela mmakhono mwaka, keetta owaavonisa.’

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

Meepereewu 6:4

Moone khinwaheya, khwa apale swaafu moote amwasikheliweeyo na khootela tthuvo ya pinkuuni, khupwekhera Rooho Ttakatthiifu,

Akoloosu 3:15

Yoori heeri ya Al-Masiihu yeettettise rooho zenu, maana mweeyo mwakhuweliwa yoori mwiikhale khwa heeri nkhama kifunko za mwiili mmote. Na mwiiye atthu ooshukhuru.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Akoloosu 1:5

mwaasa wa nroromelo mwipweheliweeyo pinkuuni. Otthuupo mweeyo mwisiiliyeeyo khwa nttakhuzi la haakhi, hapari zooshapweya

Ayeefezu 2:12

Muupuwele theenya yoori wakathi aya opule mwaattuwananiye Al-Masiihu, mwaari ophakuwanana khuntti ya meezirayiilu, mwaari ootaraweliwa ahiti ya osiilana, khamwaarina nroromelo wala Nluku muulumwenku.

Akaalata 5:5

Maana fweeyo khwa Rooho ya Nluku ninwejela khwa nroromelo, shariya enlankhaaye nkatthi wa amini.

1 Pheeturu 1:3

Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,

Khaazi 16:14

Muukha mmote aari wiitthiwaaye Liitiya aari woonisiileza saana. Aari wuuzanyisaaye kuwo zawooneela wa sitati ya nti wa Tiyatiira. Liitiya aari woomoova Nluku, Mbwana khunfukula rooho yawe yoori apwekherele etile Paawulu aari olupaaye.

Afiliipu 3:14

kiniikarisa epile kintthomaazo, yoori kipatthe tthuvo ya okhuweliwa wa pinkuuni wa Nluku khwa Al-Masiihu Yinsa.

Maaruku 10:17

Wakathi Yinsa aari weettelaaye osaruwa, mwinyi mmote khutthira amweettelaka khulawa khunkokhorela na khumuuzela yoori: “Mwaaliimu woosaana, kirette niini yoori kipatthe ohaayi wa mileele?”

Arooma 2:4

Ama talili weeyo ontarawu maali za emaani yawe, ovilela na olevelela, ohijuwaka yoori okemaani wa Nluku onuulawana muuthupwiya?

Arooma 11:29

Maana tthuvo na okhuweliwa wa Nluku khunnyakanyeya.

Akoloosu 1:12

Ninshukhurwele Paapa na furaha, aninkhiyeeyo makhaamu a oretta phantte ya erathi ya attakatthiifu muufwalume wa nuuru.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.