Ayeefezu 1:10 - Hapari Zooshapweya

¹⁰ shawuri zaya epo okusanya wakathi khaamili vitthu zooshi mmakhono wa Al-Masiihu epile ziriiye otulu na vathi.

Ayeefezu 1:10 Referans Kwoze

Akoloosu 1:20

na khwa ye ajisiilanisana vitthu zooshi, waaza epi ziriiye vathi mpakha epi ziriiye pinkuuni, atthaakavo heeri khwa taamu yawe etile yiittikhiyeeyo vansalapa.

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

Maaruku 1:15

alupaka yoori: “Wakathi wafiya, na ofwalume wa Nluku ori kharipu; mwithupwiye na mwikhupali hapari zooshapweya.”

Meepereewu 1:2

Ila siikhu epi za mwiisho anittakhulana vakatthi veetthu khwa Mwanawe, othuuto amwinkhiyeeyo wiiya namarithi wa vitthu zooshi na khwa vakatthi vawe Nluku ompa olumwenku.

Akoloosu 1:16

Maana khwa ye zompiwa vitthu zooshi, pinkuuni na vathi, za wooneya na zoohooneyi, waaza khukulu, yenzi, owahi ama ofwalume; zooshi zompiwa khwa ye na pi za awe.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

Ayeefezu 3:15

othuuto ojama wooshi waaza otulu mpakha vathi ampwekheraaye mazina a ojama wooshi.

Othoonyeziwa 5:9

Na yo khwiipa liipo lipheya araka: “Weeyo ti onsuhaaye opwekherela kithaapu na opharula viphariselo zaya, maana weettiye wuuliiwa, na khwa taamu yawo wamuuzanyela Nluku mahimo ojama wooshi, luuka, atthu na khapila.

Ayeefezu 1:22

Nluku attha vitthu zooshi wiiya vathi wa moolu awe na khumwinkha wiiya eeswa ya vitthu zooshi za ojama wa Nluku.

1 Akorintiyu 11:3

Ila kintakha eweeleyeni yoori Al-Masiihu eeshwa ya alume ooshi na nlume eeshwa ya muukha, na eeshwa ya Al-Masiihu ti Nluku.

Mwanzo 49:10

Khweele Yuuda khanteela onyakanyiwa ofwalume awe, wala pakhora yoofwalume eriiye mmwinyoka mwawe, mpakha ate mweenyewe ofwalume, otu anttelaaye oshututeliwa pi atthu ooshi.

Meepereewu 11:40

maana Nluku aawaziye shawuri za fwayita monkoni wa fweeyo, yoori yo akhamilikhisiwe vamote na fweeyo.

Akoloosu 3:11

Khwa ohaayi opu mpheya khawiivo ofwarikhana khwa amalapo na mayaahuuti, ookhiriya na oohikhiriyi, woosilimu wala woohisilimu, mwiitthwaana na wootaphuliwa, ila Al-Masiihu zooshi na ori khwa atthu ooshi.

Ayeefezu 2:15

Eeshisha na mwiili awe kano za oruma khwa nanna yoolotteya, yoori oowiiri ajirette ontthu mpheya eettettisaka heeri,

1 Akorintiyu 10:11

Vitthu zaya epo zawaarettikhanela nkhama nthoonyezo na zaatikhiwa yoori nuuziwe fweeyo, khwa otule anttelaaye ofiya wakathi wa mwiisho.

Matewuzhu 25:32

Khapila zooshi zinttela okusanyiwa aphale ariivo, avalule khapila khwa khapila kiina nkhama nshuki avalulaka pwittipwitthi zawe vakatthi wa puuzi.

Meepereewu 9:10

Maana vitthu zoojiwa, zoonywa na majampo otwahareshaniwa na maati, epo vitthu za oje ziriina fwayita mpakha wakathi Nluku anzukulisaaye vitthu zooshi.

Ayeefezu 3:2

weekhweele mweeyo mwinjuwa yoori Nluku, mwaasa wa rehema yawe, akinkha khaazi eti khwa saana yenu mweeyo.