Arooma 8:32 - Hapari Zooshapweya

³² Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Arooma 8:32 Referans Kwoze

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

1 Akorintiyu 2:12

Ila fweeyo khanipwekhereleeni rooho ya olumwenku otthuupu, ila Rooho enlankhaaye wa Nluku, yoori eneeleye vitthu Nluku anninkhaaye mahala.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Arooma 4:25

Ye enkheleliwa ofwela twampi zeetthu na khusisimuwa yoori anihakikhi.

Matewuzhu 3:17

Huula ya olankha pinkuuni khuri: “Otu mwanaka wompheta, na wookituvela channu!”

Othoonyeziwa 21:7

Otule anshinttaaye onteela orithi zooshi epi, na miiyo kinttela wiiya Nluku awe na ye onttela wiiya mwanaka.

Mwanzo 22:12

Khumuuza yoori: “Ohimwaavulele eesu shaapu oto, na ohinrettele hatha etthu. Aphano kinjuwa yoori onimoova Nluku, mwaasa woohikikhattazi mwanawo mmote othuuto oriina.”

2 Akorintiyu 4:15

Maana zooshi epo piza yoori mweeyo mwiiye saana, yoori rehema yenkeziweeyo khwa atthu awaatta, yiitaale khaazi ya rehema khwa siifwa ya Nluku.

Arooma 11:21

Nkhama etthiipo Nluku ahiilikheleleni virapi epile za ephattu, na weeyo theenya khanteela owiinanela.

Matewuzhu 7:11

Nkhama mweeyo, mweeyaru pure ootakhala rooho, mwinjuwa owenkha vitthu zooshapweya aaneenu. Sapiseni Papeenu ariiye pinkuuni, khatepeeni owenkha vitthu zooshapweya apale aninvekelaaye.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.