Arooma 8:29 - Hapari Zooshapweya

²⁹ Maana apale Nluku awathawuliyeeyo, awaaphakula yoori alattanane Mwanawe. Ye aretta epo yoori mwanawe eeye wa omwanzo vakatthi wa attwi enkeene.

Arooma 8:29 Referans Kwoze

Ayeefezu 1:11

Vitthu zooshi zarettiwa khwa shawuri na olakela wa Nluku. Khwa niiya na etile aatakhiyeeyo thanku omwanzo, Nluku anithawula yoori niiyane erathi ya okusanyeya weetthu khwa Al-Masiihu,

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

1 Pheeturu 1:2

athawuliweeyo khwa matakhelo a ojuwa wa Nluku Paapa khwa khaazi ya ottakatthisa ya Rooho Ttakatthiifu, yoori anshututele Yinsa Al-Masiihu, na wiittikha wa taamu yawe: Rehema na heeri ti yeekezeliwe.

1 Akorintiyu 15:49

Nkhama etthiipo niriina ratarato ya pinaatamu wa vathi apha, ninteela wiiyana theenya ratarato ya pinaatamu wa pinkuuni.

Arooma 9:23

Kilupe niini, nkhama ye aretta epo yoori opatthe ojuwiwa othaajiri wa siifwa yawe khwa zoopo ya tthakaraka yawe, atthenkeziyeeyo raku zeene khwa ottitthima wawe.

1 Yaahaya 3:2

Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

2 Akorintiyu 3:18

Ila fooshi fweeyo nifunuliweeyo wuuso eetthu nimpayini siifwa za Mbwana, khwa ratarato yawe nintta ozukulisiwa wakhula swaafu na siifwa yooziti enlankhaaye khwa Mbwana yiiyiyeeyo Rooho.

Arooma 11:2

Nluku khawaakatthaleeni atthu awe, apale thanku raku awathawuliyeeyo. Ama khamwinjuwa Zawaatikhiwa Ttakatthiifu alupiyeeyo Aliyaasi khwa nanna aari onkhuwelaazo Nluku monkoni wa Ezirayiilu?

Yaahaya 17:16

Yo khahi a voolumwenku nkhama etthiipo miiyo kihiiyeeni.

Afiliipu 3:21

Ye onteela ozukulisa mwiili eetthu wootarawiwa alattanisaka mwiili awe woottitthima, khwa owahi onimwinkhaaye makhaamu a oshintta vitthu zooshi vathi wa ofwalume awe.

Ayeefezu 4:24

na mwiiyane ontthu mpheya, wawumpiwa woolattanana Nluku khwa shariya na ottakatthifu wa khweele.

Matewuzhu 12:50

Maana otule anrettaaye matakhelo a Paapa ariiye pinkuuni, oto ti ttwiiyaku, nlupwaaka na ti maama.”

Zaapuura 1:6

Nnyizinku onlokozela na oniinanela tarikhi ya anashariya, ila tarikhi ya makaafiri ti ethiito enttelaaye owaaphwetecha.

Yaahaya 17:26

Miiyo kawaajuwisa nzina lawo, na nalelo kinvira kiwaajuwisaka, yoori pheta etile okiphetaniyeeyo yiiye vamote na yo, na miiyo kiiye vamote na yo.”

Arooma 13:14

Olikha toowo, mwinwale Mbwana Yinsa Al-Masiihu, mwihiikhale mwilottelelaka epile entakhaazo mwiili, nkhama winkha puuro vitthu za onaatamu.

Matewuzhu 7:23

Aphano miiyo kiwooze woosileyavo yoori: ‘Akinuujuwani. Mwikisuse, anamaretta zootakhala.’

Yaahaya 20:17

Yinsa khulupa yoori: “Ohikikholele, maana nalelo akinarutele wa Paapa. Olawe vakatthi wa attwiizaku wawooze yoori: ‘Miiyo kintta orutela wa Paapa na Papeenu mweeyo, wa Nluku aka na Nluku weenu mweeyo.’ ”

Yaahaya 17:19

Khwa zwaamu yaya kinjittakatthisa miiyo, yoori na yo attakatthe khwa haakhi.

Matewuzhu 25:40

“Mfwalume khujipu yoori: ‘Kiniwuuzani khweele yoori, etile mweeyo mwiwaaretteliyeeyo mmote wa attwiizaku apa attiitthi, mwakirettela miiyo.’

Matewuzhu 28:10

Aphano Yinsa khuwooza yoori: “Mwihoove, mwilawe mwawooze attwiizaku apale eette Kalileya; anttela okoona ottuukhu.”

1 Akorintiyu 8:3

Ila otule animphetaaye Nluku, oto onjuwiwa ti Nluku.

Akoloosu 3:10

na mwawala ontthu mpheya, onzukulisiwaaye khwa ojuwa wa ratarato ya otule amumpiyeeyo.