Arooma 7:6 - Hapari Zooshapweya

⁶ Ila nasaapi, nifwelaka etile raku yaanifukiyeeyo, nataphuliwa nkatthi wa kano, yoori ninrumeyele Nluku khwa nanna pheeya ya Rooho na woohiiyi nanna ya mwentto opule wa raku wa kano zawaatikhiwa.

Arooma 7:6 Referans Kwoze

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

Arooma 7:4

Apho attwiizaku, mweeyo theenya mwafwa khwa kano, vakatthi wa mwiili wa Al-Masiihu, yoori mwirette phantte ya nkina, opule osisimuwiyeeyo muufwa, yoori nipatthe wiiyana mishumo khwa Nluku.

Arooma 6:4

Nakataalikha nazikhaniwa ye muufwa khwa njampo la woosa, yoori, nkhama etthiipo Yinsa asisimuwiyeeyo muufwa khwa siifwa ya Paapa, na fweeyo niikhale khwa ohaayi mpheya.

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Akoloosu 3:10

na mwawala ontthu mpheya, onzukulisiwaaye khwa ojuwa wa ratarato ya otule amumpiyeeyo.

Akaalata 6:15

Maana okhiriya, wala ohikhiriyi, khina fwayita. Eriina fwayita wiiya yumpe pheeya.

Arooma 12:2

Mwihijilipisane menttezi a olumwenku opu, ila mwizukuliseye khwa ozukuluwa wa akhili zenu, yoori mwiiyane makhaamu aweezelela na wootela yooshapweya, otuva na khaamili niiya ya Nluku.

Arooma 6:22

Aphano mwalaziwamo ntwampi mwarettiwa oviitthwaana wa Nluku na mishumo mwinshumaaye zinuurettani wiiya a Ttakatthiifu, omwiisho waya ohaayi wa mileele.

2 Akorintiyu 5:17

Nakataalikha, amana ntthu eeya khwa Al-Masiihu, oniiya ntthu mpheya. Vitthu epile zaraku zavira; zooshi zaretteya opheeya!

Arooma 7:1

Attwiizaku, kiniwuuzani mweeyo nkhama atthu mwinjuwaaye kano. Mweeyo khamwinjuwa yoori kano ena owahi khwa ntthu amana eeya haayi paasi?

Arooma 6:2

Wala hatha vattitthiiru! Fweeyo, nifwiiyeeyo khwa twampi, nanna ni nintakhaaye wiikhala ntwampi nttumpho?

Arooma 6:19

Kinttakhula nkhama pinaatamu mwaasa wa otteettheya weenu wa onaatamu. Nkhama etthiipo mwenkheleliyeeyo phantte za mwiili enu sawasawa mmakhono wa zoohifwayi na zootakhala zintanaaye zootakhala. Apho enasaapi eti mwinkhelele phantte za mwiili enu mwijirette wiiya aviitthwaana a shariya onuuttakatthisaanini.

Arooma 6:11

Khwa nanna etthiipo, mwijoone mwifwiiye khwa twampi, ila mwiri haayi khwa Nluku, nkatthi wa Yinsa Al-Masiihu.

Arooma 1:9

Nluku, kininrumeyelaaye na rooho yaka yooshi kitafusiraka hapari monkoni wa Mwanawe, shaahiti aka yoori wakhula wakathi kinuufikhirini mweeyo,

Afiliipu 3:3

Maana ti fweeyo nikhiriyiyeeyo ninimwaputwaaye khwa Rooho ya Nluku, ninjisifwanaaye Al-Masiihu Yinsa nihina hatha nroromelo mmote wa menttezi a onaatamu,

Arooma 7:2

Eri toono, khwa kano muukha wooraliwa oniiya vamote na mannawe amana nlume aya eeya haayi; ila amana nlume aya afwa, muukha otule oniiya wootaphuliwa khwa kano ya oraliwa.

Ayeefezu 4:24

na mwiiyane ontthu mpheya, wawumpiwa woolattanana Nluku khwa shariya na ottakatthifu wa khweele.