Arooma 7:24 - Hapari Zooshapweya

²⁴ Ntthu fukhara kiriizo! Paani anttelaaye okitaphula mwiili opu onfwaaye?

Arooma 7:24 Referans Kwoze

Arooma 6:6

Maana ninjuwa yoori otthu eetthu opule wa raku wafwa na Yinsa vansalapa yoori mwiili wa twampi wiiye wootapanyiwa, na theenya nihirutele wiiya aviitthwaana a twampi.

2 Timootiyu 4:18

Mbwana onikitaphula khwa khaazi zooshi zootakhala na onikithuula kiri woolipalipa muufwalume mwawe pinkuuni. Attitthimisiwe ye khwa mileele! Amiina!

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Arooma 8:2

Maana vakatthi wa Yinsa Al-Masiihu, kano ya rooho ya ohaayi yakitaphula khwa kano ya twampi na ofwa.

Othoonyeziwa 21:4

Ye onlawa awaakukutthe mishozi za mmaasho mwaya zooshi. Khunteela wiiyavo theenya ofwa, wala huzuni, wala olila, wala olwaaza, maana vitthu epile za raku zavira.”

Meepereewu 2:15

na owaataphula ooshi apale arettiweeyo oviitthwaana ohaayi aya wooshi mwaasa wa woova ofwa.

Arooma 8:26

Khwa nanna etthiipo Rooho ya Nluku ennawuni muutteettheya mweetthu, maana khaninjuwa nanna ya olompa saana, ila Rooho ethiito enlompa khwa zwaamu yeetthu na osisimira khwa nanna yoohitaphuleleyi.

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

Luuka 4:18

“Rooho ya Mbwana eri vamote na miiyo, akithawaza yoori kiwaatafusirele hapari zooshapweya asikhini na owaatafusirela otaphuliwa wa anamahuzunikha, owoonisa apale oohooni, owaavumulisa apale oohukhumwiwa,

Akoloosu 2:11

Khwa ye theenya mweeyo mwakhiriya, woohiiyi nkhama okhiriya wa orettiwa pi makhono a enaatamu, ila okhiriya orettiwe ti Al-Masiihu, otthuupo onitapuliyeeyo khwa owahi wa ephattu ya twampi.

Matewuzhu 5:6

Ooparikhiyiwa pi apale ariina jala na nnyottha la shariya, maana anteela orupala.

Matewuzhu 5:4

Ooparikhiyiwa pi apale anlilaaye, maana anteela ozurwiwa.

Arooma 8:23

Khahi etthiipo paasi, ila fweeyo niriina mwanzo mishumo za Rooho Ttakatthiifu, theenya ninsisimira nkatthi mweetthu, niwejelaka wooshukulikhavo okaphuliwa weetthu nkhama aana, na otaphuliwa sawasawa wa mwiili eetthu.