Arooma 7:14 - Hapari Zooshapweya

¹⁴ Ninjuwa yoori kano pi za nroho; ila miiyo ki pinaatamu woottettheya na koozanyisiwa nkhama mwiitthwaana wa twampi.

Arooma 7:14 Referans Kwoze

Arooma 7:18

Miiyo kinjuwa yoori khina etthu yooshapweya eniikhalaaye nkatthi mwaka, olikha toowo, khwa onaatamu aka. Maana kinaaye niiya ya oretta etthu yooshapweya, ila akinwahi oretta.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Matewuzhu 5:28

Ila miiyo kiniwuuzani yoori, wakhula animweekesaaye muukha na khuntakha nroho mwawe, araruwa.

Matewuzhu 5:22

Ila miiyo kiniwuuzani yoori wakhula aninkatipukhelaaye ttwiiye oneekesela ophukiwa naye, na wakhula aninttukhanaaye ttwiiye ona ya olawaniwa wa afwalume ophukiwa. Na otule animuuzaaye ttwiiye yoori: ‘Nlolo!’ oninsuhi weetta vamoottho wa motthooni.

Luuka 7:6

Aphano Yinsa khulankha khusala alawa vamote na yo, asaleelaka ofiya, namalokozela otule khuwaaruma ashirikha awe olawa omuuza yoori: “Mbwana, ohijantipu, miiyo akinsuhi wuupokherela vaje vaka.

Luuka 5:8

Simawu Pheeturu nawoona etthu etile yaarettikhaniyeeyo, khunkokhorela Yinsa amuuzaka yoori: “Mbwana, okisuse maana miiyo ki natwampi.”

Matewuzhu 18:25

Mwaasa wa ohiina nanna yonripha Mbwana awe otule aari omwiilaaye, khuruma yoori, ye na muukhaawe, aanaawe na vitthu zawe zooshi, zuuzanyisiwe ariphe teeni.

Matewuzhu 16:23

Yinsa khuzukuluwa khumuuza Pheeturu yoori: “Osale nyuma waka, Epiliisi! Weeyo ori nkhama liwe liriiye ntarikhi mwaka yoori likikwakwattule, maana khunuupuwela vitthu za Nluku, ila za enaatamu.”

Mwanzo 40:15

Maana kalaziwa nti wa Meepereewu khutiisiwa okhuno, keettaka opuruliwa na kuvu, na okhuno akiretteeni hatha etthu yootakhala, yoori kisuhi wiiya nkalapooso mphu.”

Mwanzo 37:36

Wakathi aya opo amidiyaani aarettiye amuuzanyisiye Yuusufu wa Potifwaari nttunkhulu wa anamweekesela a Firawuuna.

Mwanzo 37:27

Nihimuule, niwoozanyeze annya esumayila apo, maana ye ti ttwiiyetthu, taamu yeetthu moote.” Attwiize apale akinoko aya khukhupalela.

Meepereewu 4:12

Maana nttakhuzi la Nluku likumi na lookhomaala, na loonoleya zayita phanka ya orere miwiri; ye linthipa mpakha ofiyelela ophakula nafusi na rooho, linlawa mpakha nkatthi wa ntthu, na limphuka wuupuwela na shawuri za nroho.

Arooma 3:9

Apho niishelane toovi? Niriiye phantte ya fwayita ti fweeyo? Wala! Ninthoonyeza yoori waaza mayaahuuti mpakha amalapo, ashinttiwa ti twampi.

Arooma 6:6

Maana ninjuwa yoori otthu eetthu opule wa raku wafwa na Yinsa vansalapa yoori mwiili wa twampi wiiye wootapanyiwa, na theenya nihirutele wiiya aviitthwaana a twampi.

Akaalata 4:3

Etthiipo theenya fweeyo, niri asimaana, naari viitthwaana za owahi waari olokozelaaye olumwenku.