Arooma 6:23 - Hapari Zooshapweya

²³ Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Arooma 6:23 Referans Kwoze

Yaahaya 3:36

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Arooma 5:12

Nakataalikha, twampi yata voolumwenku khwa ntthu mmote, na twampi khutiisa ofwa, khwa etthiipo ofwa wawaateela atthu ooshi maana ooshi akosa;

Tiyaaku 1:15

Aphano tuvela, amana ettheera, entothola twampi, na twampi amana ekhomaala enuula.

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Matewuzhu 25:46

“Apa aneetta ohukhumu khwa mileele, ila makhaamili anttela wiiyana ohaayi wa mileele.”

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Mwanzo 2:17

Ila muutthi opo woojuwisa yooshapweya na yootakhala ohije; siikhu onttelaaye oja satakithu ontta ofwa.”

Yaahaya 10:28

Miiyo kininkha ohaayi wa mileele; wala khazimpwetheya na khaavo anttelaaye olazamo mmakhono mwaka.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Tiitu 1:2

amini na ojuwa nchina la nroromelo khwa ohaayi wa mileele, opule Nluku woohihati, ahitiyeeyo khapulathi olumwenku ohinompiwe.

Arooma 5:17

Mwaasa wa ovonya wa ntthu mmote paasi, ofwa weeyavo, atepa apale apokhereliyeeyo wa waattavo rehema na tthuvo ya shariya anteela wiiyana ohaayi wa ntthu mmote paasi Yinsa Al-Masiihu.

Arooma 6:16

Khamwinjuwa yoori, amana ntthu ajinkha mmakhono wa ntthu yoori asala anshututela nkhama mwiitthwaana, oniiya mwiitthwaana wa othuuto aninshututelaaye: mwiitthwaana wa twampi enuulaaye, ama oshututi onimwettanaaye nshariya?

Yaahaya 17:2

Maana wamwinkha ofwalume khwa anaatamu ooshi, yoori awenkhe ohaayi wa mileele ooshi apale omwinkhiyeeyo.

Mwanzo 3:19

Okholaka khaazi yoovujuwela yoori opatthe etthu yoojiwa yawo mansha awo ooshi. Maana weeyo wompaniwa ottophe, noofwa mpakha orutele vottophe.”

Yaahaya 6:68

Simawu Pheeturu khujipu yoori: “Ninttela onlotta paani? Weeyo onaaye mattakhuzi a ohaayi wa mileele.

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

1 Yaahaya 2:25

Eti ahiti ye aniretteliyeeyo, ohaayi wa mileele.

Akaalata 3:10

Maana ooshi apale antakhaaye ohakikhiwa khwa khaazi za kano apo ari nkatthi Woolanikha; maana yaatikhiwa yoori: “Alaanikha wooshi otule ahinlottiselaaye vitthu zooshi epile zaatikhiweeyo nkithaapu ya kano khusala alottela.”

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 4:36

Otule anuurulaaye ompwekhera phakari yawe na onuurula mishumo za ohaayi wa mileele, khwa nanna namuurula anttelaaye ofurahi vamote na anamazala.

Arooma 1:32

Eeyaru pure oojuwa oruma wa shariya wa Nluku, yoori atthu anrettaaye vitthu nkhama epo ansuhi ofwa, khahiyo orettaru paasi, ila theenya aniwaattottopela apale anrettaaye.

Arooma 6:21

Mishumo ni muuruliyeeyo khwa vitthu zaya epo mweeyo enuupatthisaanini haaya? Mwiisho aya ofwa.

Arooma 8:6

Akhili za onaatamu ofwa, ila akhili za Rooho ya Nluku ohaayi na heeri;

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

Arooma 8:38

Maana miiyo kinkhupalela saaneene yoori wala ofwa, ama ohaayi, wala malayikha, wala sheethwani, wala vitthu za nasaapi wala zintaazo wala hatha owahi,

Arooma 8:39

wala chanka, wala wiicha, wala etthu kiina ya wumpiwa eriina makhaamu ya oniphakulana pheta ya Nluku eriiye khwa Yinsa Al-Masiihu, Mbwana eetthu.