Arooma 6:17 - Hapari Zooshapweya

¹⁷ Ila nininshukhurwela Nluku, maana mweeyaru pure aviitthwaana a twampi, mwavira mwininshututela Nluku na rooho yenu khwa nanna mwisomisiweezo.

Arooma 6:17 Referans Kwoze

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

2 Timootiyu 1:13

Othokorele khwa amini na pheta ya Yinsa Al-Masiihu, menttezi a masomi apa okisiiliyeeyo.

2 Akorintiyu 2:14

Attitthimisiwe Nluku, anneettettisaaye wakhula siikhu wooshinttavo khwa Al-Masiihu, othuuto khwa fweeyo amwazela puuro zooshi na arufu ya ojuwa wawe.

Arooma 16:26

ila nasaapi eti zathoonyeziwa na enkhiwa ojuwa khwa zawaatikhiwa za manapiyu, khwa oruma wa Nluku wa mileele, yoori khapila zooshi zinkhupali ye na enshututele;

Arooma 1:8

Khapula ya zooshi, kininshukhurwela Nluku aka, khwa Yinsa Al-Masiihu, khwa mooshi mweeyo, maana olumwenku wooshi entta olaleyiwa amini mwiriinaaye.

3 Yaahaya 1:3

Kafurahi venkivene khwa opokherela othotoliwa pi attwi akinaaya alupiyeeyo monkoni wa waamineya wawo khwa haakhi, na nanna onviraaye olottaka haakhi.

Arooma 15:18

Akinjilokozelisa ottakhula etthu woohiiyi etile Al-Masiihu arettiyeeyo khwa miiyo khwa nttakhuzi na vitthu zawooneya yoori kiwaathuule amalapo onshututela Nluku,

Khaazi 11:18

Noosiila mattakhuzi apale, khuhiruteli olupa mattakhuzi makina, khunsifu Nluku araka: “Khweele, mpakha amalapo Nluku awenkha othupwiya yoori apatthe ohaayi.”

2 Yaahaya 1:4

Miiyo keeya woofurahi venkivene, paata ya owaasikana aanaawo akinaaya ettettelaka haakhi nkhama onlupaazo oruma nipokhereliyeeyo woolankha phantte ya Paapa.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

Filimooni 1:4

Wakhula swaafu kininshukhurwela Nluku aka, kuufikhiraka weeyo nlompa mwaka,

2 Atizaloonika 1:3

Attwi, nina ya onshukhurwela Nluku wakhula swaafu khwa mweeyo; eto ya shariya, maana amini mweeyo mwiriinaaye entepa owula channu na eneekezela pheta yenu mooshi mmote na nzeenu.

1 Pheeturu 4:17

Maana wafiya wakathi wa waaziwa ophukiwa nyuupa ya Nluku, na nkhama enaaza khwa fweeyo, onttela wiiya woolipa mwiisho wa apale ahinshututelaaye hapari zooshapweya za Nluku.

1 Pheeturu 3:1

Khwa nanna etthiipo, mweeyo aakha mwina ya owaashitahi amanna zenu, yoori nkhama yo khankhupalela nttakhuzi la Nluku, afiyelele okhupali mwaasa wa menttezi enu, woohuuziwi hatha nttakhuzi,

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

Meepereewu 11:8

Khwa amini Eburahiima, wakathi akhuweliweevo ti Nluku yoori alawe puuro aari weettelaaye orithisiwa, ye khushututi; khusala alawa, woohijuwi ohali aari weettaawo.

1 Atizaloonika 3:9

Nannani ninwahaaye onshukhurwela Nluku khwa furaha yooshi niriinaaye omaasho wawe mwaasa wa mweeyo?

Ayeefezu 1:16

akinlikhelela onshukhurwela Nluku khwa mweeyo, na akinuusahawuni amana kilompaka.

1 Akorintiyu 1:4

Wakhula wakathi kininshukhurwela Nluku mwaasa wa rehema yawe awinkhiyeenini mweeyo khwa Yinsa Al-Masiihu.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 2:8

Ila eniiyavo katapu na hukhumu khwa apale ojikhupali, ankatthalaaye haakhi na khusala alottela vitthu zohiiyi za shariya.

Khaazi 28:15

Attwi arooma khusiila yoori nintta ota, khunithepeeza Vaparasa wa Apiiyu theenya va Wuuzanyisa Mittatthu, Paawulu noowoona khunshukhurwela Nluku na khwiiya woolipiseleya.

1 Akorintiyu 14:6

Aphano attwiizaku, amana miiyo kita wuuthotolani na kittakhulaka luuka pheeya, mwimpatthanivo mweeyo, woohiiyi miiyo owuuzani monkoni wa othoonyeziwa, ama ojuwa, ama otafusiri ama masomi?